ސްޕެގެޓީ ވިތު ޓޫނާ ސޯސް

* ބޭނުންވާ ތަކެތި:

2 ދެ ޖޯޑު ކައްކާފައި ހުރި ސްޕެގެޓީ

2 މޭޒުމަތީ ސަމުސާ އޮލިވް އޮއިލް

3 މަޝްރޫމް (ކުދިކޮށް ކޮށާފައި)

1/2 ޖޯޑު ޕީލް ޓޮމާޓޯ (ސޯސްގަނޑު ތެރޭގައި ހުންނަ ޓޮމާޓޯކޮޅު ކޮށާފައި)

1 ފިޔާ (ހިމުންކޮށް ކޮށާފައި)

1 ކެރެޓް (ހިމުންކޮށް ކޮށާފައި ނުވަތަ ގާނާފައި)

1/5 ޖޯޑު އޮރެގާނޯ

1/2 ޖޯޑު ހިމުންކޮށްފައި ހުރި ތާޒާ މަސް ނުވަތަ ފަސްމީރު މަސް

ލޮނުކޮޅެއް

ތެޔޮފޮދެއް

3 ލޮނުމެދު (ހިމުންކޮށް ކޮށާފައި)

1 ޖޯޑު ޗީޒް

ކުޑަ ޕާސްލީކޮޅެއް (ހިމުންކޮށް ކޮށާފައި)

މުގުރި އަސޭމިރުސްކޮޅެއް

* ތައްޔާރު ކުރާނެ ގޮތް:

ތަވާ އުނދުން މައްޗަށް އުދާލާފައި ކުޑަ ތެޔޮފޮދެއް އަޅާފައި ހޫނުވީމާ ފިޔާ ލޮނުމެދު، ކެރެޓް އަޅާފައި ކުޑަކޮށް މޯޅިކޮށްލާފައި މަޝްރޫމް އަދި މަސް އެއްކޮށްފައި ކުޑަ އިރުކޮޅަކު ކައްކާލާފައި ޓޮމާޓޯ، ލޮނު، އޮރެގާނޯ، އަސޭމިރުސް އެއްކޮށްފައި ފަސް ވަރަކަށް މިނިޓް ކައްކާފައި އުނދުން މަތިން ބާލާށެވެ.
ދެން ސްޕެގެޓީ ތަށްޓަަކަށް އަޅާފައި މައްޗަށް ސޯސް އަޅާފައި ޕާލީސްކޮޅު ބުރުވާލާފައި ޗީޒް ގާނާފައި ބުރުވާލުމަށް ފަހު ސާވް ކުރާށެވެ.