ފުލުހުންގެ ހައްޔަރުގައި ދޫނިދޫގައި ބަންދު ކޮށްފައި ހުރި، ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހްމަދު ފާރިސް މައުމޫންގެ ވަކީލުންނަށް އެމަނިކުފާނާއި ބައްދަލުނުކުރެވޭނެ ކަން އަންގައިފިއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި ފާރިސް އާއި އެކު ވަކީލުންގެ ބައްދަލުވުން ހަމަނުޖެހޭނެ ކަން އަންގާފައިވަނީ އިއްޔެގެ ވަގުތެއްގައެވެ.
ފާރިސްގެ ވަކީލުންގެ ޓީމުގައި ހިމެނިވަޑައިގަންނަވާ އިބްރާހިމް ފައިސަލް ވިދާޅުވި ގޮތުގައި ވަކީލް ބައްދަލުވުމުގެ ފޯމް ހުށަހެޅުމުން ފުލުހުން އެ ފޯމު ބަލައިގެންފައި ނުވާ ކަމަށެވެ. ފައިސަލް ވިދާޅުވި ގޮތުގައި ސަބަބެއް ކަމުގައި ފުލުހުން ބުނެފައި ވަނީ ފާރިސްގެ މައްސަލަ ތަހުގީގް ކުރާ އޮފިސަރުން ފާރިސްގެ ވަކީލު ފޯމް ބަލައިނުގަތުމަށް އަންގާފައި ވުމެވެ.
Lawyer visit form of @afarismaumoon rejected by @PoliceMv saying that they have been instructed by Investigation officers NOT to accept any lawyer visits for Faris
This is unacceptable
Right to a lawyer cannot be suspended@amnesty @hrcmv @IPUparliament @yumna_maumoon @maanhameed— faisal_cappi (@cappi5) March 19, 2018
ފާރިސް އާއި ވަކީލުންނަށް ބައްދަލު ނުކުރެވޭނެ ކަން ފުލުހުން އަންގާފައި ވާއިރު، މިދިޔަ ހުކުރު ދުވަހު ވަކީލެއްގެ ޣައިރު ހާޒިރުގައި ތަހުގީގަށް ސުވާލު ކުރުމަށް ގޮޅިން ނެރުމުގެ ތެރޭގައި ކޮނޑުހުޅަށް ވަނީ އަނިޔާވެފައެވެ.
އެ ހާދިސާގެ ފަހުން ފާރިސް އަށް ފަރުވާދޭން މާލެ ގެނެސް އައިޖީއެމް ހޮސްޕިޓަލަށް ގެންގޮސްފައި ވެއެވެ. އެހެން ނަމަވެސް ފާރިސް އަށް ލިބިފައިވާ އަނިޔާތަކުގެ ތަފްސީލު އާއިލާ އާއި އަދި ވަކީލުންނާއި ވެސް ހިއްސާކޮށްފައެއް ނުވެއެވެ.