ސާޖިދު ހާން އެނބުރި "ހައުސްފުލް 4" ގެ ޑައިރެކްޝަނަށް އަންނަން ތައްޔާރުވަމުން އަންނަ އިރު، ފިލްމްގެ ބަތަލާއަކަށް ކިރިތީ ސެނަން ހަމަޖައްސައިފި އެވެ.
"ހައުސްފުލް" ގެ ފުރަތަމަ ދެ ބައި ވެސް ޑައިރެކްޓް ކުރީ ސާޖިދެވެ. ނަމަވެސް 2016 ގައި ރިލީޒް ކުރި "ހައުސްފުލް 3" ޑައިރެކްޓް ކުރީ ސްކްރީން ރައިޓަރުން ކަމަށްވާ ސާޖިދު-ފަރްހާނެވެ.
"ހައުސްފުލް 4" ގެ ބަަތަލާއަކަށް ކިރިތީ ހަމަޖެއްސި އިރު، މީގެ ކާސްޓުންގެ ތެރޭގައި ކުރީގެ ތިން ފިލްމްގައި ވެސް ހިމެނުނު އަކްޝޭ ކުމާރާއި ރިތޭޝް ދޭޝްމުކާ އެކު އިތުރު އެކްޓަރުންތައް ހިމެނޭނެ އެވެ. އޭގެ ތެރޭގައި ބޮބީ ޑިއޯލް ހިމެނެ އެވެ.
"ހައުސްފުލް 4" ސިނަމާތަކަށް އަންނާނީ އަންނަ އަހަރުފެ ދިވާލީގަ އެވެ.
ކިރީގެ އެންމެ ފަހުން ރިލީޒްވި ފިލްމަކީ މިދިޔަގެ "ބެރިލީ ކީ ބަރްފީ" އެވެ. އޭނާ މިހާރު އަންނަނީ "އަރްޖުން ޕަޓިއާލާ" ގެ މަސައްކަތް ކުރަމުންނެވެ. ކިރިތީގެ ކުރިއަށް ހުރި ފިލްމްތަކުގެ ތެރޭގައި އަރްޖުން ކަޕޫރާއި ސަންދޭ ދަތާ އެކު ކުޅޭ "ޕަނިޕަޓް" ވެސް ހިމެނެ އެވެ.
އަޝުތޯޝް ގޮވަރިކާ ޑައިރެކްޓް ކުރާ އެ ފިލްމް ވެސް ރިލީޒް ކުރާނީ އަންނަ އަހަރު އެވެ.