ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ މައްޗަށް އިއްވާފައިވަ ޖަލު ހުކުމުގެ އިސްތިއުނާފު އަޑުއެހުންތައް ފަށަން މިއަދަށް ތާވަލު ކުރި އަޑުއެހުން ކެންސަލް ކޮށްފިއެވެ.
ޤާސިމް އިބްރާހިމް ޖަލަށް ލުމަށް ހުކުމް ކޮށްފައި ވަނީ ކޯޓު ރޫމުތެރެއަށް ވެއްޓި ވަޑައިގެންނެވި ފަހުން ހާލުކޮޅު ބޮޑުވެ އެޑްމިޓުކޮށްގެން ފަރުވާ ދެމުން ދަނިކޮށް ގާސިމްގެ ޣައިރު ހާޒިރުގައެވެ.
ޤާސިމްގެ މައްޗަށް ކްރިމިނަލް ކޯޓުން އިއްވި ހުކުމްގެ އިސްތިއުނާފް އަޑުއެހުން ހައިކޯޓްގައި ތާވަލް ކޮށްފައި އޮތީ މިއަދު 9:30 އަށެވެ. އެ އަޑުއެހުން ކުއްލިގޮތަކަށް ކެންސަލް ކުރި ސަބަބު އަދި ވަނީ ސާފުވާގޮތް ނުވެފައެވެ.
ޤާސިމް 3 އަހަރާއި 12 މަހަށް ޖަލަށް ލުމަށް ހުކުމްކޮށްފައި ވަނީ ރައްޔިތުންގެ މަޖިލީހުގެ މެންބަރުންނަށް ރިޝްވަތު ދިނުމަށް ހުށަހެޅި ކަމަށް ބުނެ އޭނާގެ މައްޗަށް އުފުލި ދައުވާ އަކާއި ގުޅިގެންނެވެ.