އައްޑޫ ސިޓީ ގަމާއި ފޭދޫ ގުޅުވައިދޭ ކޯޒްވޭގައި ވަޅުގަނޑެއް ހުރެ އެކަމާއި ގިނަ ބަޔަކު ކަންބޮޑުވުން ފާޅުކުރަމުން ދަނިކޮށް އެމްއާރްޑީސީން އެ ވަޅުގަނޑު ހުރި ދިމާލަށް ތާރު އަޅައިފިއެވެ.
މިއަދުގެ ވަގުތެއްގައި އެމްއާރްޑީސީން އެ ވަޅުގަނޑު މަރާމާތުކޮށްފައި ވާއިރު، އެ ވަޅުގަނޑު އެތަނުގައި ހުރެގެން ގިނަ ބަޔަކު ޝަކުވާ ކުރަމުންދާތާ ދުވަސްތަކެއް ވަނީ ވެފައެވެ.
ސޯޝަލް މީޑިޔާގައި އެ ވަޅުގަނޑުގެ މައްސަލައިގައި އާއްމު ރައްޔިތުން ކަންބޮޑުވުން ފާޅުކުރަމުން ދިޔުމާއި ގުޅިގެން، 'އައްޑޫލައިވް'ގެ މުޖްތަމައު ތެރެއިން ސެގްމެންޓްގައި ވެސް އެވާހަކަ ވާނީ ގެނެސްދީފައެވެ.
އެމްއާރްޑީސީގެ ފަރާތުން ވަޅުގަނޑުގެ މައްސަލަ ހައްލުކޮށްފައި މިވަނީ، 'އައްޑޫލައިވް'ގައި އެވާހަކަ ގެނެސްދިންތާ 2 ދުވަސް ފަހުންނެވެ.