ކްރިމިނަލް ކޯޓުގެ މިއަދުގެ ތާވަލަށް ބަލާއިރު 48 އަޑުއެހުމެއް ބާއްވަން ތާވަލް ކުރިއިރު އޭގެ ތެރެއިން 30 މައްސަލަ އަކީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ މައްޗަށް ކުރާ ދައުވާތަކުގެ ޝަރީޢަތްތަކެވެ.
ޒިޔަތުގެ މައްޗަށް ކުރާ 30 ދައުވާއެއްގަ އަޑުއެހުން ކްރިމިނަލް ކޯޓުގައި މިއަދު ކުރިއަށް ގެންދަން ތާވަލް ކުރިއިރު، މިއީ ކްރިމިނަލް ކޯޓުގައި ކުރިއަށް ގެންދާ ޝަރީޢަތްތަކުގެ 60 އިންސައްތަ އަށް ވުރެ މަތިއެވެ.
ޒިޔަތުގެ މައްޗަށް ޖުމްލަ 33 ދައުވާއެއް އުފުލާފައި ވާއިރު، އޭނާ މިހާރު ވެސް ގެންދަނީ އަށް އަހަރުގެ ހުކުމެއް ތަންފީޒު ކުރަމުންނެވެ. އެ ދައުވާތަކުގައި ބުނާގޮތުން އޭނާ ޚިޔާނާތްތެރިވި އަދަދު 700 މިލިއަން ރުފިޔާ އަށް ވުރެ މައްޗަށް އަރައެވެ.