ދިވެހިރާއްޖޭގެ ސުޕްރީމް ކޯޓު "ފަޅާލުމާއި" އުއްތަމަ ފަނޑިޔާރު ޖަލަށްލުން އަދި އެންމެ ގިނަ ސިޔާސީ މީހުން ޖަލަށް ލާފައިވާތީ، ރައީސް އަބްދުﷲ ޔާމީން އަށް ޕީއެޗްޑީ ލިބިވަޑައިގަންނަވަން ޖެހޭނެ ކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ވިދާޅުވެއްޖެއެވެ.
ނިޒާރު މިހެން ވިދާޅުވެފައި ވަނީޤައުމީ ޔުނިވާސިޓީން ފުރަތަމަ ފަހަރަށް ޕީއެޗްޑީ ކޯހެއް ފުރިހަމަ ކުރީ ރައީސް ޔާމީންގެ ވެރިކަމުގައި ކަމަށް ވިދާޅުވެ ވިލިމާލެ ދާއިރާގެ މެންބަރު އަހްމަދު ނިހާނު ކުރެއްވި ޓްވީޓަކަށް ރައްދު ދެއްވަމުންނެވެ.
"ޔާމީން ވެސް ޕީއެޗްޑީ ނަންގަވައިފި. އެންމެ ގިނަ ސިޔާސީ މީހުން ޖަލަށް ލުމާއި ސުޕްރީމް ކޯޓު ފަޅާލުމާއި، އުއްތަމަ ފަނޑިޔާރު ޖަލަށް ލުމުން ޕީއެޗްޑީ ލިބިވަޑައިގަންނަވަން ޖެހޭނެ."
Yaamin ves PHD nangavaifi. Emme gina Siyaasee meehun jalah lumaai Supreme Court falhaalumaai, Utthama Fandiyaaru Jalahlumun PHD libivadaigannavan jejeyne. Ladhuge kanfulhei ves miverin nei. https://t.co/GXePi1bMpF
— Ali Nizar (@DhekunuNizar) March 27, 2018
ނިޒާރުގެ ޓްވީޓްގައި ސުޕްރީމް ކޯޓު "ފަޅާލުން" ކަމަށް އިޝާރާތްކޮށްފައި ވަނީ ބެލެވޭ ގޮތުގައި ފެބްރުއަރީ މަހުގެ 5 ވަނަ ދުވަހުގެ ރޭ އެ ކޯޓުގެ ފުރާޅުން ޓިނު ނަގައިގެން ސަލާމަތީ ޚިދުމަތްތަކުން އެ ކޯޓަށް ވަދެފައިވާތީ އެކަމަށެވެ.