ރައްޔިތުންގެ މަޖިލީހުގެ 12 މެންބަރެއްގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ މައްސަލައިގައި ބަނޑާރަ ނައިބުގެ އޮފީހުން ސުޕްރީމް ކޯޓަށް ށަހަޅާފައިވާ މައްސަލައިގެ ޝަރީއަތް މިއަދު ފަށަން ތާވަލުކޮށްފިއެވެ.
ދުސްތޫރީ މައްސަލއެއްގެ ގޮތުގައި ސުޕްރީމް ކޯޓަށް ހުށަހަޅާފައިވާ މިމައްސަލައިގެ ޝަރީއަތް ފެށުމަށް ތާވަލްކޮށްފައިވަނީ މިއަދު ހެނދުނު 11:00 ޖަހާއިރު އެވެ.
ފެބްރުއަރީ މަހުގެ 1 ވަނަ ދުވަހު ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ނެރުނު އަަމުރުގައި 12 މެމްބަރުންގެ ގޮނޑި ނުގެއްލޭ ކަމަށް ސާފު އިބާރާތުން ބުނެފައިވެއެވެ. އެހެން ނަމަވެސް އޭގެ ފަހުން ސުޕްރީމް ކޯޓުގެ 3 ފަނޑިޔާރުން ނެރުނު އަމުރަކުން 12 މެމްބަރުންގެ ގޮނޑި ނުގެއްލޭ ކަމަށް ބުނެފައިވާ ބަޔަށް އަމަލުކުރުން ފަސްކުރިއެވެ.
އަމުރުގެ ވަކި ބަޔަކަށް އަމަލުކުރުން ފަސްކުރީ އެ ބައި ބާތިލްކުރަން ބަންޑާރަނާއިބުގެ ފަރާތުން ދުސްތޫރީ މައްސަލަ ސުޕްރީމް ކޯޓަށް ހުށަހެޅުމުންނެވެ.