ބޮލީވުޑަށް ނުކުތުމުގެ ކުރިން އެޑަލް ތަރިއެއްގެ ގޮތުގައި ހަރަކާތްތެރިވި ބަތަލާ ސަނީ ލިއޯންގެ ހަޔާތުގެ މައްޗަށް ވެބް ސީރިޒެއް ހަދަން ފަށައިފި އެވެ.
ޒީ ނެޓްވާކްގެ ދަށުން ހިންގާ ޒީ5 އިންގެ ޑިޖިޓަލް ޕްލެޓްފޯމުން ގެނެސްދޭ ވެބް ސީރިޒަށް ދީފައިވާ ނަމަކީ "ކަރަންޖީތު ކޯރް" އެވެ. އެއީ އިންޑިއާ ދަރިކޮޅުގެ ކެނެޑާ އާއިލާއަކަށް ނިސްބަތްވާ ސަނީގެ އަސްލު ނަމެވެ.
ވެބް ސީރީޒްގެ މަސައްކަތް މިހާރު ކުރިއަށްދާ އިރު، އެ ދައްކަން ފަށާނެ ތާރީހެއް އަދި އިއުލާނެއް ނުކުރެ އެވެ.
Excited to announce our upcoming show on @ZEE5India #karenjitkaur with @SunnyLeone @grushakapoor @karamvirlamba
This one is going to be epic with great direction by @ADITYADATT and produced by @NamahEdge #ZEE5Originals pic.twitter.com/n8M7SOGYP6— Bijay J. Anand (@bijayjanand) March 27, 2018
އިންޑިއާގެ ރިއަލިޓީ ޝޯ "ބިގް ބޮސް" ގައި 2011 ވަނަ އަހަރު ވާދަކޮށް، ސަނީ ބޮލީވުޑަށް ނުކުތީ 2012 ގައި ޕޫޖާ ބަޓް ޑައިރެކްޓް ކުރި ފިލްމް "ޖިސްމް" އިންނެވެ. އެ ފިލްމަށް ފަހު، އޭނާ އަށް ބޮލީވުޑުން ބޮޑު މަޝްހޫރޫ ކަމެއް ލިބުނަސް، ސަނީއަކީ ކުރީގެ އެޑަލް ބަތަލާއަކަށްވާތީ އަމާޒުވާ ފާޑުކިޔުންތައް އަދިވެސް ގިނަ އެވެ.
އޭނާ ކުޅެފައިވާ ބައެއް ފިލްމްތަކުގެ ތެރޭގައި "އޭކް ޕަހޭލީ ލީލާ"، "ރާގިނީ އެމްއެމްއެސް 2" އަދި "ވަން ނައިޓް ސްޓޭންޑް" ހިމެނެ އެވެ.
ޑެނިއަލް ވެބާއާ ކައިވެނިކޮށްގެން އުޅޭ 36 އަހަރުގެ ބަތަލާގެ މިހާރު ތިން ކުދިން ވެސް އެބަ ތިއްބެވެ. އެއީ މިދިޔަ އަހަރު އެޑަޕްޓް ކުރި އަންހެން ދަރިފުޅު ނިޝާ ކޯރް އާއި ސަރޮގޭޓްކޮށްގެން މި އަހަރު ލިބުނު ދެ ފިރިހެން ކުދިންނެވެ.