ކުރީގެ ރައީސް މުޙައްމަދު ނަޝީދަށް ރާއްޖޭގެ ވެރިކަން ކުރައްވަން ފުރުސަތެއް ލިބިވަޑައިގެންފިނަމަ ރައީސް ޔާމީން ކުރައްވާފައި ހުރި ހުރިހާ ކަމެއް ބޭރު ގައުމުތަކަށް ވިއްކަލާނެ ކަމަށް އިނގުރައިދޫ ދާއިރާގެ މެންބަރު އިބްރާހިމް ފަލާހު ވިދާޅުވެއްޖެއެވެ.
ޕީއެސްއެމް އިން ގެނެސްދިން ޕްރޮގްރާމެއްގައި ވާހަކަ ދައްކަވަމުން ފަލާހު ވިދާޅުވީ، "ނަޝީދަށް ކިރިޔާ ޗާންސެއް ލިބުނަސް މިގައުމުގައި ރައީސް ޔާމީން މި ކުރެއްވިހާ ކަންކަން ވިއްކާ ހުސްކުރާނެ" ކަމަށެވެ.
"ރައީސް ނަޝީދަށް ކިރިޔާ ޗާންސެއް ލިބުނަސް މި ގައުމުގައި ރައީސް ޔާމީން ކުރެއްވިހާ ކަންކަން ވިއްކާ ހުސްކުރާނެ. ބްރިޖް ވެސް ވިއްކާނެ. އެއާޕޯޓް ވެސް ވިއްކާނެ. މިހިރަ ހޮސްޕިޓަލް ވެސް ވިއްކާނެ" ފަލާހު ވިދާޅުވިއެވެ.
ރައީސް ޔާމީނަށް އަބަދުވެސް ހުށާމަދުކޮށް ވާހަކަ ދައްކަވަމުން ގެެންދަވާ މެންބަރު ފަލާހު ވިދާޅުވި ގޮތުގައި ރައީސް ޔާމީން ރާއްޖެގެ ވެރިކަން ކުރައްވަނީ އަމިއްލަ އެދުންފުޅެއް އޮވެގެން ނޫނެވެ. އަދި 2018ގެ ރިޔާސީ އިންތިހާބުގައި ރައީސް ޔާމީން ވާދަކުރައްވަނީ، ގައުމަށްޓަކައި ކަމަށް ފަލާހު ވިދާޅުވިއެވެ.