އެސްޓީއޯ މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ސ. އަތޮޅު ބުރުގައި އިއްޔެ ހަވީރު ހިތަދޫ އާއި ދެކޮޅަށް ކުޅުނު މެޗް ފޭދޫ އިން ކާމިޔާބުކޮށްފިއެވެ.
މި މެޗް ފޭދޫން ކާމިޔާބު ކުރީ 0-1 އިންނެވެ.
ފޭދޫ ޓީމްގެ ހަމައެކަނި ލަނޑު ކާމިޔާބު ކޮށްދިނީ އެ ޓީމްގެ ޖާޒީ ނަމްބަރު 7 މުހައްމަދު އާލިފް ފަހުމީއެވެ.
އާލިފްގެ ލަނޑަށް ފަހު ދެ ޓީމަށް ވެސް ލަނޑު ޖަހާނެ ރަނގަޅު ފުރުސަތުތަކެއް ލިބި ވަނީ ބޭކާރު ވެފައެވެ..
މި މުބާރާތުގައި މިހާތަަނަށް ކުޅުނު 2 މެޗުން ވެސް ފޭދޫ ޓީމް ވަނީ މޮޅުވެފައި ވާއިރު އެ ޓީމަށް ވަނީ 6 ޕޮއިންޓް ލިބިފައެވެ. ހިތަދޫ ޓީމަށް ލިބިފައި ވަނީ 3 ޕޮއިންޓެވެ. އަދި މުބާރާތުގައި ދެން ވާދަކުރާ މަރަދޫ އާއި މަރަދޫ ފޭދޫ ޓީމަށް އަދި ޕޮއިންޓެއް ނުލިބެއެވެ.
މި މުބާރާތުގެ ފައިނަލްގައި ވާދަ ކުރާނީ 4 ޓީމުގެ ތެރެއިން އެންމެ ގިނަ ޕޮއިންޓް ހޯދާ 2 ޓީމެވެ.
މިއަދު ހަވީރު ވެސް މި މުބާރާތުގެ މެޗެއް އޮންނާނެއެވެ. އެ މެޗްގައި ކުޅޭނީ މަރަދޫއާއި، މަރަދޫ ފޭދޫއެވެ.