އަނުޝްކާ ޝަރްމާ އާއި އޭނާގެ ކޮއްކަ ކަރްނޭޝް ޝަރްމާ ފިލްމް ކުންފުނި ކްލީން ސްލޭޓް ފިލްމްސް އިން އިތުރު ތިން ފިލްމެއް ޕްރޮޑިއުސް ކުރަން ނިންމައިފި އެވެ.
އެ ކުންފުނިން މިހާތަނަށް ވަނީ ތިން ފިލްމެއް ބެލުންތެރިންނަށް ގެނެސް ދީފަ އެވެ. އެއީ އަނުޝްކާ ބަތަލާގެ ރޯލް ވެސް ކުޅެ ދާދި ފަހުން ރިލީޒް ކުރި ބިރުވެރި ފިލްމް "ޕަރީ" އާއި މިދިޔަ އަހަރު ރިލީޒް ކުރި "ފިލޯރީ" ގެ އިތުރުން 2015 ގައި ރިލީޒް ކުރި "އެންއެޗް 10" އެވެ.
މި ތިން ފިލްމްގެ ތެރެއިން "އެންއެޗް 10" ފިޔަވައި އަނެއް ދެ ފިލްމެއް ބޮކްސް އޮފީހުގައި މާ ބޮޑު ކާމިޔާބީއެއް ނުލިބެ އެވެ.
ރިޕޯޓްތައް ބުނާ ގޮތުން ކްލީން ސްލޭޓްސް އުން ދެން ހަދާ ތިން ފިލްމްގެ ވަރަށް އަވަހަށް ރަސްމީކޮށް އިއުލާން ކުރާނެ އެވެ. އަދި އެ ތިން ފިލްމް ވެސް ވެގެން ދާނީ ވަރަށް ތަފާތު ސްކްރިޕްޓްތަކަކަށް ހަދާ ފިލްމްތަކަކަށެވެ.
އަނުޝްކާ ދެން އެންމެ އަވަހަށް ފެނިގެން ދާނީ ރަންބީރު ކަޕޫރް، ސަންޖޭގެ ދަތުގެ ރޯލް ކުޅެފައިވާ ފިލްމުންނެވެ. އެ ފިލްމް ރިލީޒް ކުރާނީ އަންނަ ޖޫން މަހުގެ 29 ގަ އެވެ.
މީގެ އިތުރުން ޑިސެމްބަރު 21 ގައި ރިލީޒް ކުރާ "ޒީރޯ" އިން ވެސް ޝާހްރުކް ހާނާއެކު އޭނާ ފެނިގެން ދާނެ އެވެ.