މާލޭގެ ފިހާރައަކުން 12 މަސްދަޅު ވަގަށް ނަގަން އުޅުނު މީހަކު 2،600 ރުފިޔާ އިން ޖޫރިމަނާކޮށްފި އެވެ.
މާލޭގެ "ވީބީ މާޓް" ފިހާރައިން 12 މަސްދަޅު ވަގަށް ނަގަން އުޅުނު ކަމުގެ ކުށް ސާބިތުވެ 14 ދުވަހުގެ މުއްދަތަކަށް ގޭބަންދު ކުރުމަށާއި 2،600 ރުފިޔާ އިން ޖޫރިމަނާ ކުރުމަށް ހުކުމް އިއްވާފައި ވަނީ ސ.ހިތަދޫ، ފްރެސްކޯ، އަލީ ވަޙީދުގެ މައްޗަށެވެ.
ވައްކަން ކުރުމުގެ ކުށުން އަލީ ވަހީދު އަލީ ވަޙީދުގެ މައްޗަށް 27 ދުވަހު ޖަލު ހުކުމެއް އައި ނަމަވެސް، އޭނާގެ އަދަބުގެ އެއްބައި (14 ދުވަސް) ގޭބަންދަށް ބަދަލުކޮށްފައެވެ. އަދި ހުކުމުގެ އަނެއް ބައި (13 ދުވަސް) ޖޫރިމަނާއަށް ބަދަލުކޮށް -/2600 ރުފިޔާ ދައްކަން ޖެހޭ ގޮތަށް ކަނޑައެޅީ ކަމަށް ހުކުމްގައި ބުނެފައިވެއެވެ.
12 މަސްދަޅު ވަގަށް ނަގަން އުޅެގެން އަލީ ވަހީދު ދައްކަން ޖެހުނު ޖޫރިމަނާ -/2600 ރުފިޔާ އަކީ ގާތްގަނޑަކަށް ފެލިވަރު ބްރޭންޑްގެ 3 ކޭސް މަހުގެ އަގެވެ.