މާރާމާރީ ހިންގައި މީހެއްގެ ކަންފަތް މަތީގައި ޖެހި މީހަކު ޖޫރިމަނާ ކުރުމަށް ކްރިމިނަލް ކޯޓުން ހުކުމްކޮށްފިއެވެ.
މާޗް މަހުގެ 15 ވަނަ ދުވަހު ދައުލަތުން އުފުލި "ގަޔަތް އަތްލުމުގެ" ދައުވާ ސާބިތުވެ -/7200 ރުފިޔާއިން ޖޫރިމަނާ ކުރީ ޅ.ނައިފަރު/އާބާދީ އަހްމަދު، އަހްމަދް ޖަބީން އަބްދުﷲއެވެ.
އޭނާ ޖޫރިމަނާ ކުރުމަށް ހުކުމްކޮށްފައި ވަނީ، ލ.މުންޑޫ/ހީނާވިލާ އަލީ މުއުމުނުގެ ކަންފަތް މަތީގައި ޖެހިކަމަށް ޝަރީޢަތުގައި އަހްމަދް ޖަބީން ވެފައިވާ އިއުތިރާފާއި ދައުލަތުން ހުށަހެޅި ހެއްކަށް ބިނާކޮށެވެ.
ކްރިމިނަލް ކޯޓުގެ ހުކުމްގައި ބުނެފައިވާ ގޮތުން 1 މަސް ދުވަހުގެ ތެރޭގައި ޖޫރިމަނާ ފައިސާ މޯލްޑިވްސް އިންލޭންޑް ރިވެނިއު އޮތޯރިޓީ އަށް ދައްކަން ޖެހޭނެއެވެ.