އައްޑޫގައި އިއްޔެ ހިނގި އެކްސިޑެންޓެއްގައި މީހަކު މަރުވެފައި ވަނިކޮށް، އައްޑޫގެ އަވަށްތަކުގައި މިއަދު ފުލުހުން ބޮޑު ޓްރެފިކް އޮޕަރޭޝަނެއް ކުރިއަށް ގެންދަން ނިންމައިފި އެވެ.
މައުލޫމާތު ލިބިފައިވާ ގޮތުގައި މި އޮޕަރޭޝަންގެ ދަށުން މިއަދު ހެނދުނު 8:30 އިން ފެށިގެން ހަވީރު 6:30 އަށް އަވަށްތަކުގެ އެކި ހިސާބުތަކުގައި ވީސީޕީ ޖަހައިގެން ލައިސަންސް އާއި ސްޓިކާތައް ހަމަތޯ ބަލަމުން ގެންދާނެއެވެ.
'އައްޑޫލައިވް' އަށް މައުލޫމާތު ލިބިފައިވާ ގޮތުގައި، މި އޮޕަރޭޝަންގައި ބައިވެރިވާ ފުލުހުންނަކީ، ފުލުހުންގެ ބޭސިކް ޓްރެއިނިން މިހާރު ފުރިހަމަ ކުރަމުންދާ ފުލުހުންނެވެ.
އައްޑޫގެ އަވަށްތަކުގައި މިރޭ ޓްރެފިކް އޮޕަރޭޝަނެއް ހިންގާ އިރު، މި އަހަރުގެ މިހާތަނަށް ވަނީ އެކްސިޑެންޓްގައި ދެ މީހެއްގެ ފުރާނަ ގެއްލިފަ އެވެ.