އަލީ އައްބާސް ޒަފަރު ޑައިރެކްޓް ކުރާ ފިލްމް "ބާރަތު" ގައި ސަލްމާން ހާނާ އެކު، ބަތަލާއެއްގެ ގޮތުގައި ޕްރިޔަންކާ ޗޯޕްޅާ ފެނުމުގެ ފުރުސަތެއް ނެތް ކަމަށާއި އެ ފިލްމްގެ ބަތަލާއަކީ ކެޓްރީނާ ކަމަށް ރިޕޯޓްތައް ބުނެފި އެވެ.
އަލީ އެންމެ ފަހުން ގެނެސް ދިން ބްލޮކްބަސްޓާ "ޓައިގާ ޒިންދާ ހޭ" ގައި ވެސް ލީޑް ރޯލް ކުޅުނީ ސަލްމާނާއި ކެޓްރީނާ އެވެ. ރިޕޯޓްތައް ބުނާ ގޮތުން ކެޓްރީނާ މިހާރު ވަނީ "ބާރަތު" އަށް ސޮއިކޮށްފަ އެވެ.
އެކަމަކު އެކަން އަދި އެއްވެސް ފަރާތަކުން ކަށަވަރެއް ނުކޮށްދެ އެވެ. އެހެންވެއްޖެ ނަަމަ "ބާރަތު" ވެގެން ދާނީ ކެޓްރީނާ އާއި ސަލްމާން އެކުގައި ކުޅޭ 8 ވަނަ ފިލްމަށެވެ. އަދި އަލީއާ އެކު މަސައްކަތް ކުރާ ތިން ވަނަ ފިލްމަށެވެ.
އަކީ ޑައިރެކްޓް ކުރި ފުރަތަަމަ ފިލްމް އަދި 2011 ގައި ރިލީޒް ކުރި "މޭރީ ބްރަދާ ކީ ދުލްހަން" ގެ ބަތަލާއަކީ ވެސް ކެޓްރީނާ އެވެ.
ޕްރިޔަންކާ ވަނީ އަލީއާ އެކު 2014 ގެ "ގުންޑޭ" ގައި މަސައްކަތްކޮށްފަ އެވެ. އޭނާ އެންމެ ފަހުން ސަލްމާނާ އެކު ކުޅުނު ފިލްމަކީ 2008 ގެ "ގޯޑް ތުސީ ގްރޭޓް ހޯ" އެވެ.