މި އަހަރުގެ ރިޔާސީ އިންތިހާބުގެ ވޯޓާސް ލިސްޓް، އަންނަ މަހުގެ ތެރޭގައި އިއުލާން ކުރާނެ ކަމަށް އިލެކްޝަން ކޮމިޝަނުން ބުނެފި އެވެ.
އިލެކްޝަންސް ކޮމިޝަނުގެ މެމްބަރު އަހުމަދް އަކްރަމާ ހަވާލާދީ އެހެން މީޑިއާއަކުން ރިޕޯޓްކޮށްފައިވާ ގޮތުގައި މި އަހަރުގެ ރިޔާސީ އިންތިހާބަށް އިދާރީ ގޮތުން ފުރިހަމަ ކުރަންޖެހޭ ކަންތަކުގެ 90 ޕަސަންޓް މިހާރު ވަނީ ނިމިފަ އެވެ.
އަކްރަމް ވިދާޅުވެފައިވާ ގޮތުގައި މިހާރު އެންމެ ބާރު ސްޕީޑްގައި ކުރިއަށް ދަނީ ވޯޓާސް ލިސްޓް އިއުލާން ކުރުމުގެ މަސައްކަތެވެ. އަދި މީގެ އިތުރުން ޖޫން މަހުގެ ތެރޭގައި ރީ ރެޖިސްޓްރޭޝަނަށް ހުޅުވާލާނެ ކަމަށް ވެސް އޭނާ ވިދާޅުވި އެވެ.
"ރިޔާސީ އިންތިހާބްގައި ވޯޓް ލާނެ މީހުންގެ ލިސްޓް މޭ މަހު އިއުލާން ކުރުމުގެ މަސައްކަތް މިހާރު އެންމެ ބާރު ސްޕީޑްގައި ކުރިއަށް ދަނީ،" އަކްރަމް ވިދާޅުވިއެވެ.