ޗެމްޕިއަންސް ލީގުގެ ކުއާޓާ ފައިނަލުގެ ފުރަތަމަ ލެގުގައި ބާސެލޯނާ އާއި ރޯމާ ބައްދަލުކުރި މެޗް ބާސެލޯނާ އިން ކާމިޔާބުކޮށްފިއެވެ.
ބާސެލޯނާގެ އަމިއްލަ ދަނޑު، ކޭމްޕްނައުގައި ކުޅުނު މިމެޗް އެޓީމުން ކާމިޔާބު ކުރީ 1-4 އިންނެވެ.
މިމެޗްގައި ބާސާއިން ކާމިޔާބުކުރި 4 ލަނޑުގެ ތެރެއިން ދެ ލަނޑަކީ، ރޯމާގެ ކުޅުންތެރިން އަތުން ބައިކޮޅަށް ވަން ލަނޑުތަކެވެ. ބާސާއަށް ދެން ލަނޑުތައް ކާމިޔާބުކޮށްދިނީ ޖެރާޑް ޕީކޭ އާއި ލުއިސް ސުއަރޭޒެވެ.
ރޯމާގެ ހަމައެކަނި ލަނޑު އެޓީމަށް ކާމިޔާބުކޮށްދިނީ، ޒެކޯއެވެ.
މި މޮޅާއި އެކު ބާސާއަށް ސެމީއަށް ދިއުމުގެ ފުރުސަތު ބޮޑުވެފައިވާއިރު، ކުއާޓާގެ ދެވަނަ ލެގް އޮންނާނީ މިމަގުގެ 10 ވަނަ ދުވަހު އެވެ. އެ މެޗް ކުޅޭނީ ރޯމާގެ ދަނޑުގައެވެ.