ޕާކިސްތާން ނޭވީ ޝިޕް ޕީއެންއެސް ސައިފް ރާއްޖެ ޒިޔާރަތްކޮށްފި އެވެ.
މި މަހުގެ 15-18 އަށް ޕާކިސްތާން މި މަނަވަރު ރާއްޖޭގައި މަޑުކު ރުމަށް ހަމަޖެހިފައިވާ އިރު، މި މަނަވަރުގެ ބޭކަލުން މިނިސްޓަރު އޮފް ސްޓޭޓް ފޮ ޑިފެންސް އެންޑް ނޭޝަނަލް ސެކިއުރިޓީ މުޙައްމަދު މުއިއްޒު އަދުނާނުގެ އަރިހަށާއި، އަދި ޗީފް އޮފް ޑިފެންސް ފޯސް މޭޖަ ޖެނެރަލް އަޙްމަދު ޝިޔާމްގެ އަރިހަށް އިޙްތިރާމްގެ ޒިޔާރަތް ކުރުމަށް ވަނީ ހަމަޖެހިފައެވެ.
އަދި ކޮމަޑާންޓް ކޯސްޓްގާޑް ބްރިގޭޑިއަ ޖެނެރަލް އަޙްމަދު ޝާހިދާ މި މަނަވަރުގެ ބޭކަލުންނާ ބައްދަލު ކުރުމަށް ހަމަޖެހިފައިވާ އިރު، ރާއްޖޭގައި ހުންނަވާ ޕާކިސްތާންގެ ސަފީރުގެ އަރިހަށް ވެސް މި މަނަވަރުގެ ބޭކަލުން ޒިޔާރަތް ކުރާނެ އެވެ.
ޕީއެންއެސް ސައިފް މި ދަތުރުގައި، މިއަދު މޯލްޑިވްސް ނޭޝަނަލް ޑިފެންސް ފޯސްގެ ބޭކަލުންނާއި އަދި މޯލްޑިވްސް ޕޮލިސް ސަރސްގެ ބޭކަލުން މި މަނަވަރަށް ޒިޔާރަ ތްކުރުމަށް ހަމަޖެހިފައިވާ އިރު، ރާއްޖޭގައި ހުންނަވާ ޕާކިސްތާނުގެ ސަފީރު އަދި ރާއްޖޭގައި ދިރިއުޅޭ ޕާކިސްތާނުގެ ރައްޔިތުން ވެސް މި މަނަވަރަށް ޒިޔާރަތް ކުރާނެ އެވެ. އަދި މިދުވަހުގެރޭ، ޕީއެންއެސް ސައިފްގެ ކޮމާންޑިން އޮފިސަރު ބާއްވަވާ ޚާއްޞަ ޚަފްލާއެއް މި މަނަވަރު ބޭއްވުމަށް ވެސް ވަނީ ހަމަޖެހިފަ އެވެ.
އަދި މީގެ އިތުރުން މާދަމާ ޕީއެންއެސް ސައިފްގެ ބޭކަލުންނަށް ޗީފް އޮފް ޑިފެންސް ފޯސް ބާއްވަވާ ޚަފްލާއެއް އޮންނާނެ އެވެ. އަދި ރާއްޖޭގައި ހުންނަވާ ޕާކިސްތާނުގެ ސަފީރު ޕީއެންއެސް ސައިފްގެ ބޭކަލުންނަށް މެންދުރުގެ ފަރިއްކޮޅެއް ބޭއްވުމަށް ވަނީ ހަމަޖެހިފަ އެވެ.
ޕާކިސްތާންގެ މަނަވަރު ޕީއެންއެސް ސައިފް 4 ދުވަހުގެ މުއްދަތަށް ރާއްޖެއަށް ކުރާ މި ޒިޔާރަތް ނިންމާލުމަށް ފަހު ރާއްޖެ އިން ފުރުމަށް ހަމަޖެހިފައި ވަނީ މި މަހުގެ 18 ވަނަ ދުވަހު ކަމަށް އެމްއެންޑީއެފް ކޯސްޓްގާޑުން ބުންޏެވެ.