ފެބްރުއަރީ މަހުގެ 1 ވަނަ ދުވަހު ރާއްޖެއަށް ގެންނަން އުޅުނު "ބަޣާވާތުގެ" އެންމެ ބޮޑު "ބައްޕަ" އަކީ ކުރީގެ ރައީސް މައުމޫން އަބްދުލް ޤައްޔޫމް އަށް ވީތީ ހިތާމަކުރައްވާ ކަމަށް ފޭދޫ ދާއިރާގެ މަޖިލިސް މެންބަރު އިބްރާހިމްދީދީ (އައިބީ) ވިދާޅުވެއްޖެއެވެ.
އައިބީ މިހެން ވިދާޅުވީ، ރޭ ލ. ގަމުގައި ބޭއްވި "މި ތިބޫ ރައީސް ޔާމީނާއެކު" ޖަލްސާގައި ވާހަކަ ދައްކަވަމުންނެވެ.
"1 ފެބްރުއަރީގެ ބަޣާވާތް ގެންނަން އުޅުނު ބޮޑު ބާޣީ ންގެ އެންމެ ބޮޑު ބައްޕަަ އަކީ، އަޅުގަނޑު ހިތާމަކުރަން އަޅުގަނޑުމެންގެ ޕާޓީގެ ކުރީ ރައީސް މައުމޫން ކަމަށް ވާތީ." އައިބީ ވިދާޅުވިއެވެ.
އައިބީ ވިދާޅުވި ގޮތުގައި 1 ފެބްރުއަރީގައި ގެންނަން އުޅުނު "ބަޣާވާތަށް" ޚަރަދުކުރީ ރައްޔިތުންގެ މާލިއްޔަތުން މުއްސަނދިވެފައިވާ މަހުޖަނެއް ކަމުގައިވާ ޤާސިމް އިބްރާހިމް ކަމަށެވެ.