ރައީސް އަބްދުﷲ ޔާމީންގެ ސަރުކާރުން ކާޑުގެ ބާވަތްތަކުގެ ސަބްސިޑީ ކަނޑާލަން ޖެހުނީ، ކުރީގެ ރައީސް މުހައްމަދު ނަޝީދުގެ ސަރުކާރުން ޒިންމާދާރު ކަމެއް ނެތި ކުރި ކަންތަކުގެ ސަބަބުން ކަމަށް އިކޮނޮމިކް މިނިސްޓަރު މުޙައްމަދު ސަޢީދު ވިދާޅުވެއްޖެ އެވެ.
މިނިސްޓަރ ސައީދު މިހެން ވިދާޅުވީ، ދައުލަތުގެ މީޑިއާ ޕީއެސްއެމް އިން ގެނެސްދިން ޕްރޮގްރާމެއްގައި ވާހަކަ ދައްކަވަމުންނެވެ.
ރައީސް ޔާމީނަށް ހުޝާމަދުކޮށް އެންމެ ބޮޑަށް ވާހަކަ ދައްކަވާ މިނިސްޓަރު ސައީދު ވިދާޅުވީ، ދައުލަތަށް ލިބެންޖެހޭ އެތައް މިލިއަން ޑޮލަރެއްގެ ފައިސާ ވިޔަފާރިވެރިންގެ އަތުގައި އެބަހުރި ކަމަށެވެ. އަދި މީގެކުރިންވެސް ކާޑުގެ އަގު ބޮޑުވެގެން ދިޔައީ އެ ފައިސާ ނުލިބިގެން ކަމަށް ދޭހަވާ މޭރުމަކުން މިނިސްޓަރ ވަނީ ވާހަކަ ދައްކަވާފައެވެ. ބޮޑުވެގެން ނުދާނެ ކަމަށް މިނިސްޓަރ ވިދާޅުވިއެވެ.
ރައީސް ޔާމީންގެ ސަރުކާރުގައި ހޯދާފައިވާ ކުރިއެރުންތަކަށް އިޝާރާތް ކުރައްވައި، ސައީދު ވިދާޅުވީ، ކާޑުގެ އަގުހެޔޮ ކުރީ، 300 މިލިއަން ޑޮލަރު ދައްކާ ބައިނަލްއަޤްވާމީ އެއާރޕޯޓު ގަނެ، މިނިވަންކަން އަނބުރާ ހޯދުން ފަދަ އެތައް ކަމެއް ކުރުމަށް ފަހު ކަމަށެވެ.