މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ޒޯން 8 ގެ ފައިނަލް މެޗް މިއަދު ހަވީރު އައްޑޫ ސްޓޭޑިއަމްގައި ކުޅޭނެއެވެ.
މި މެޗްގައި ބައްދަލު ކުރާނީ ހިތަދޫ ފުޓްބޯޅަ ކްލަބާއި ފުވައްމުލަކު ދޫނިގަން، އެފްސީ ދޫނިގަލޯނާއެވެ. މުބާރާތުގެ ފައިނަލަށް އެފްސީ ދޫނިގަލޯނާ ދިޔައީ ފުވައްމުލަކު ބައިވެރިވި ހަމަ އެކަނި ޓީމްގެ ގޮތުގައެވެ.
ހިތަދޫ އެފްސީ މުބާރާތުގެ ފައިނަލުން ޖާގަ ހޯދީ އެންމެ ފަހުގެ ޗެމްޕިއަން ފޭދޫ ޓީމް ޕެނަލްޓީގައި ބަލިކޮށްގެންނެވެ. ޒޯން 8 ގެ ފައިނަލް ދެ ލެގްގެ ތެރެއިން ފުރަތަމަ ލެގް މިމަހުގެ 7 ވަނަ ދުވަހު ފުވައްމުލަކު މައިލޯ ދަނޑުގައި ކުޅެފައިވާ އިރު އެ މެޗް 2-0 ލަނޑުން ކާމިޔާބް ކުރީ ހިތަދޫ ފުޓްބޯޅަ ކްލަބެވެ.
މިއަދުގެ މެޗް ބެއްލެވުމަށް ވީހާވެސް ގިނަ ބަޔަކު އައްޑޫ ސްޓޭޑިއަމްއަށް ވަޑައިގަތުމަށް ހިތަދޫ ޓީމުން އެދެއެވެ.