އާއިލާގެ މީހަކަށް ނުވަތަ ތިމާގެ ރައްޓެއްސަކަށް ވީމަ ވަޒީފާ ދިނުމުގައި އިސްކަންދޭނެ އުސޫލެއް މިހާރު ހަމަޖެހިފައި ނޯންނާނެ ކަމަށް ނައިބު ރައީސް ޢަބްދުﷲ ޖިހާދު ވިދާޅުވެއްޖެއެވެ.
ޖިހާދު މިހެން ވިދާޅުވީ، ދިވެހި ސިވިލް ސާރވިސްގެ ތިންވަނަ ކޮންފަރެންސް ފެށުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
"ތިމާގެ އާއިލާގެ މީހަކަށް ނުވަތަ ތިމާގެ ރައްޓެއްސަކަށްވީމަ ވަޒީފާ ދިނުމުގައި އިސްކަންދޭނެ އުސޫލެއް މިހާރު ހަމަޖެހިފައެއް ނޯވޭ." ޖިހާދު ވިދާޅުވިއެވެ.
އާއިލާގެ މީހުންނާއި ރައްޓެހިންނަށް ވަޒީފާ ދިނުމުގެ އުސޫލެއް ނޯންނަކަން ފާހަގަކުރައްވައި ޖިހާދު ވިދާޅުވީ، ސިވިލް ސާރވިސް މުވައްޒަފުން ރެކްރޫޓްކުރަމުންދާ މެރިޓް ބޭސްޑް ރެކްރޫޓްމަންޓް ނިޒާމް ކުރިއަށް އޮތްތަނުގައި ބަދަލުވެގެން ދާނެ ކަމަށެވެ.
ޖިހާދު ވިދާޅުވި ގޮތުގައި ސިވިލް ސާރވިސް މުވައްޒަފުން ރެކްރޫޓްކުރުމުގައި ޢަމަލުކުރަމުންދާ މެރިޓް ބޭސްޑް ރެކްރޫޓްމަންޓް ނިޒާމު މުސްތަޤްބަލްގައި ބަދަލުވެގެން ދާނީ ކޮމްޕިއުޓަރ ބޭސްޑް ނިޒާމަކަށެވެ.