ދިވެހިރާއްޖެ ދެމި އޮންނާނީ އިސްލާމުދީނުގެ މެދު މިނުގެ އުސޫލުތައް ކުރިއަރުވާ ޤައުމެއްގެ ގޮތުގައި ކަމަށް ޑިފެންސް މިނިސްޓަރ އާދަމް ޝަރީފް ވިދާޅުވެއްޖެއެވެ.
މިނިސްޓަރ ޝަރީފް މިހެން ވިދާޅުވީ ޓެރަރިޒަމާއި ދެކޮޅަށް މަސައްކަތް ކުރުމުގަ އާއި ރައްކާތެރިކަމާއި އަމަން އަމާންކަން ގާއިމުރުމުގައި މެދު މިންގަނޑުގެ ފިކުރު ފުޅާ ކުރުމާއި ބެހޭ ގޮތުން މިހާރު ރާއްޖޭގައި ކުރިއަށް ގެންދާ ސެމިނާރ ފެށުމުގެ ރަސްމިއްޔާތު ޝަރަފުވެރިކޮށް ދެއްވއި ވާހަކަފުޅު ދައްކަވަމުންނެވެ.
އެ ރަސްމިއްޔާގައި ވާހަކަ ދައްކަވަމުން ޝަރީފް ވިދާޅުވީ، ދިވެހިރާއްޖޭގައި ދީނީ މިނިވަންކަމަށް އެއްވެސް ޖާގައެއް ނޯންނާނެ ކަމަށެވެ. އަދި ޓެރަރިޒަމާއި ދީނީ ހައްދު ފަހަނަ އެޅުންތަކާއި ދެކޮޅަށް ސަރުކާރުން ގިނަ ފިޔަވަޅުތަކެއް އެޅުމަށް މަސައްކަތް ކުރަމުންދާ ކަމަށެވެ.
ޑިފެންސް މިނިސްޓަރ އާދަމް ޝަރީފް މެދުމިނުގެ އުސޫލުތައް ކުރިއަރުވާ ވާހަކަ ވިދާޅުވެފައިވާއިރު، މެދު މިނުގެ އުސޫލުތަކެއް ނޯންނާނެ ކަމަށް ގިނަ ޢިލްމުވެރިން ވަނީ މީގެ ކުރިން ވިދާޅުވެފައެވެ.