ސުޕްރީމް ކޯޓުގެ އަމުރެއް ތަންފީޒު ކުރުމަށް ގޮވާލުމުން، މަސް ދުވަހަށް ސަސްޕެންޑްކޮށްފައިވާ އައްޑޫގެ ކައުންސިލަރުން، ސަސްޕެންޝަންގެ މުއްދަތު ހަމަވުމުން އޮފީހަށް ނިކުމެއްޖެއެވެ.
ލޯކަލް ގަވަރމަންޓް އޮތޯރިޓީ(އެލްޖީއޭ) އިން ސަސްޕެންޑް ކުރީ، އައްޑޫ ސިޓީގެ މޭޔަރު އަބްދުﷲ ސޯދިޤް (ސޯބެ) އާއި ޑެޕިއުޓީ މޭޔަރު މުހައްމަދު ޔަސްރިފް ގެ އިތުރުން ކައުންސިލަރު ޖަމްޝީދާ މުހައްމަދާއި، ފޭދޫ ދާއިރާގެ ކައުންސިލަރ އަލީ ފަހުމީއެވެ.
އެލްޖީއޭ އިން ބުނެފައިވާ ގޮތުގައި ކައުންސިލަރުން ސަސްޕެންޑު ކޮށްފައިވަނީ ލާމަރުކަޒީ ގާނޫނުގެ ބޭރުން ކައުންސިލަށް ލިބިފައިވާ އިޚްތިޔާރާއި ބާރުގެ ބޭރުން ނޫސް ބަޔާނެއް ނެރުމުގެ ސަބަބުންނެވެ.
ކައުންސިލަރުން ސަސްޕެންޑް ކުރި މައްސަލަ ބާތިލުކޮށްދިނުމަށް އެދި ހައިކޯޓަށް ވެސް ވަނީ ހުށަހަޅާފައެވެ. ދުސްތޫރީ މައްސަލައެއްގެ ގޮތުގައި މި މައްސަލަ ހައިކޯޓަށް ހުށަހަޅާފައިވަނީ ޑެޕިއުޓީ މޭޔަރ މުހައްމަދު ޔަސްރިފްއެވެ. އައްޑޫ ސިޓީ ކައުންސިލްގެ ފަރާތުން ހައިކޯޓަށް ހުށަހެޅި މައްސަލާގައި ކައުންސިލަރުން ސަސްޕެންޑު ކުރި ކުރުން ބާތިލު ކުރުމަށާއި ކައުންސިލަރުން ސަސްޕެންޑު ކުރި އުސޫލު ބާތިލު ކުރުމަށާއި ކައުންސިލަރުން ސަސްޕެންޑު ކުރުމުގައި ބައިވެރިވި އެލްޖީއޭގެ މެންބަރުންގެ މައްޗަށް ތަހުގީގު ހިންގުމަށް އަމުރުކޮށް ދިނުމަށް ވަނީ އެދިފައެވެ.
ވަނީ އައްޑޫ ސިޓީ ކައުންސިލްގެ މޭޔަރާއި ޑެޕިއުޓީ މޭޔަރު ހިމެނޭ ގޮތަށް ހަތަރު ކައުންސިލަރުން ސަސްޕެންޑް ކުރި މައްސަލަ ބާޠިލްކޮށް ދިނުމަށް އެދި ހައިކޯޓަށް ހުށަހަޅައިފި އެވެ.