އެހެން މީހުންގެ ހައްގުތަކަށް އަރައިގެން ތިބެ ވައްކަން ކޮށްފައި ދީން ހިމާޔަތް ކުރެވޭތޯ މަޑުއްވަރީ ދާއިރާގެ މެންބަރު މުހައްމަދު އަމީތު ސުވާލު އުފައްދަވައިފިއެވެ.
އަމީތު މިގޮތަށް ސުވާލު އުފައްދާފައި މިވަނީ، އީޔޫ އިން ރާއްޖޭގައި ދީނީ މިނިވަންކަން ބޭއްވުމަށް ސަރުކާރަށް ހުށަހަޅާފައިވާތީ އެކަމާއި ގުޅިގެން އިދިކޮޅު ފަރާތްތަކަށް ކުރިމަތިވެފައިވާ ފާޑުކިޔުންތައް ރައްދު ދެއްވައި ކުރެއްވި ޓްވީޓެއްގައެވެ.
ސަރުކާރަށް ތާއީދުކުރާ ފަރާތްތަކަށް ރައްދު ދެއްވައި އަމީތު ވަނީ، ދައުލަތުގެ މުދަލާ ފައިސާއިން ވައްކަން ކޮށްފައި އަރާތިބެ، ހިތްފުރެންދެން ލާދީނީ އަށް ގޮވާ ރިޕޯޓް(އީޔޫގެ ރިޕޯޓަށް) އަށް ފާޑުކީމާ، ދީން ހިމާޔަތް ކުރާ މުޖާހިދުންނަށް އެ ބަޔަކު ވެގެންދޭތޯ ސުވާލު ކުރައްވާފައެވެ.
އީޔޫގެ ހުށަހެޅުންތަކާއި ގުޅިގެން ސަރުކާރަށް ތާއީދު ކުރާ ފަރާތްތަކުން ގެންދަނީ އެއީ އިދިކޮޅު ފަރާތްތަކުން އެދިގެން އީޔޫ ހުށަހަޅާފައިވާ ކަމެއް ކަމަށް ބުނަމުންނެވެ. އެހެން ނަމަވެސް އެވާހަކަތައް އިދިކޮޅު ފަރާތްތަކުން ދޮގުކުރެއެވެ.