ހުޅުމީދޫގައި ހަލުވިކަމާއި އެކު ފުޓް އެންޑް މައުތު ފެތުރެމުންދާތީ ހުޅުދޫ ނަސްރިއްޔާ ޕްރީ ސްކޫލްގެ ކިޔެވުން 10 ދުވަހަށް މެދުކަޑާލައިފިއެވެ.
ނަސްރިއްޔާ ސްކޫލުން ބުނީ ކިޔެވުން މެދުކަޑާލީ ހަލުވިކަމާއި އެކު މި ބަލި ހުޅުމީދޫގައި ފެތުރެމުން ދިއުމާއި އެކު މިބައްޔަލީ އާއްމުކޮށް ކުޑަކުދިންނަށް ޖެހޭ ބަޔަކަށް ވުމުން ސްކޫލް ތެރެއިން މިބަލި އިތުރަށް ފެތުރިދާނެތީކަމަށެވެ.
އައްޑޫ ޕަބްލިކް ހެލްތު ޔުނިޓުންވެސް ވަނީ މިބަލިން ރައްކާތެރި ވުމުގެ ގޮތުން އާއްމު ސާފުތާހިރުކަމަށް ހާއްސަ ސަމާލްކަމެއް ދިނުމަށް ގޮވާލާފައެވެ. އަދި މިބަލި ފެތުރިގެން މަރަދޫ ފޭދޫ އުޖާލާ ސްކޫލްވެސް ވަނީ މީގެ ކުރިން ބަންދުކޮށްފައެވެ.
ހޭންޑް ފުޓް އެންޑް މައުތު ޑިޒީސް އަކީ ކުޅާއި އަރިދަފުސް، ބޮޑުކަމުދާ ނަޖިސް އަދި ހަމުގައި ނަގާ ފޮޅުގެ ދިޔައިގެ ޒަރިއްޔާ އިން ޖެހޭ ބައްޔެކެވެ. އަދި މިއީ ވަރަށް ފަސޭހައިން ގައިން ގަޔަށް އަރާ ބައްޔެކެވެ. އަދި މި ބަލި ޖެހިފައިވާ ކުދިން އެހެން ކުދިންނާ ގައިގޯޅިވުމުން މިބަލި ފެތުރޭ މިންވަރު އަވަސްވެއެވެ.
.