ދެކުނުގެ އަތޮޅުތަކަށް ކުރަމުން އަންނަ ވިއްސާރައިގައި ފުވައްމުލަކަށް ވެސް ވަރަށް ބޮޑަށް އުދަ އަރައިފިއެވެ.
މައުލޫމާތު ލިބިފައިވާ ގޮތުގައި އުދަ އަރާފައި ވަނީ ވިއްސާރަ މޫސުމުގައި މީގެ ކުރިން އުދައަރާ، އެރަށު 'ނައިބު ތުއްތު' ބޮޑު މަގަށެވެ.ފުވައްމުލަކުން ވާހަކަ ދެއްކި މީހަކު ބުނިގޮތުގައި މިއީ ފަހުގެ ތާރީޚެއްގައި އެރަށަށް އެންމެ ބޮޑަށް އުދަ އެރި ފަހަރު ކަމަށެވެ.
ފުވައްމުލަކު ސިޓީގެ މޭޔަރާއި ހަވާލާދީ، 'ސަން' އޮންލައިންގައި ރިޕޯޓްކޮށްފައިވާ ގޮތުގައި ރޭފަތިހުން ފެށިގެން ދިޔަވަރު ބޮޑުވާ ގަޑިތަކުގައި އެރަށުގެ އެކި ދިމަ ދިމާލަށް އުދައަރަމުންދިޔަ ކަމަށެވެ. އަދި އާދަޔާ ހިލާފަށް ބޮޑަށް އުދަ އަރާފައިވަނީ މިއަދު މެންދުރު ކަމަށް އޭނާ ވިދާޅުވިއެވެ.
މައުލޫމާތު ލިބިފައިވާ ގޮތުގައި، އުދަ އެރުމުގެ ސަބަބުން ބައެއް އިމާރާތްތަކުގެ ތެރެއަށް ލޮނުގަނޑު ވަނީ ވަދެފައެވެ. އެގޮތުން އެރަށު ޕޮލިސް ސްޓޭޝަނުގެ ތެރެއަށް ވެސް ވަނީ ލޮނުގަނޑު ވަދެފައެވެ.