ހިތަދޫ ފުއްޓަރު ފަރާތުން މޫދަށް އެރި އުޅެނިކޮށް ގެއްލުނު ދެ ކުދިންގެ ތެރެއިން ކުއްޖަކު ލައިގެން ހުރި ޖޯޒީއެއް ފެނިފައިވާ ކަމަށް ބުނާ ވާހަކަތަކަކީ ދޮގެއްކަން 'އައްޑޫލައިވް' އަށް އެނގިއްޖެއެވެ.
ހިތަދޫ ރީޖަނަލް ހޮސްޕިޓަލާއި ދިމާލަށް މޫދަށް ގޮސް އުޅެނިކޮށް އޮޔާއި އެކު ބެހިގެން ދިޔަ 3 ކުދިންގެ ތެރެއިން ސަލާމަތްވި، ރާއިފް 'އައްޑޫލައިވް' އަށް މައުލޫމާތު ދެމުން ބުނިގޮތުގައި ގެއްލުނު މަޔާމީން އާއި އަލީ ފަހުމީ މޫދުގައި ތިބީ ޖާޒީއެއް ލައިގެން ނޫން ކަމަށާއި އެކުދިން ތިބީ ހަމައެކަނި ސޯޓު ލައިގެން ކަމަށެވެ.
ރާއިފް ބުނިގޮތުގައި، މޫދުން ފެނިގެން އުޅޭ ޖާޒީއަކީ މަޔާމީން އަދި އަލީ ފަހުމީގެ ޖާޒީއެއް ނޫނެވެ.
ރާއިފް 'އައްޑޫލައިވް' އަށް މައުލޫމާތު ދެމުން ބުނިގޮތުގައި ގެއްލުނު މަޔާމީން އާއި އަލީ ފަހުމީ މޫދުގައި ތިބީ ޖާޒީއެއް ލައިގެން ނޫން ކަމަށާއި އެކުދިން ތިބީ ހަމައެކަނި ސޯޓު ލައިގެން ކަމަށެވެ. ރާއިފް ބުނިގޮތުގައި، މޫދުން ފެނިގެން އުޅޭ ޖާޒީއަކީ މަޔާމީން އަދި އަލީ ފަހުމީގެ ޖާޒީއެއް ނޫނެވެ.
މަޔާމީން އާއި އަލީ ފަހުމީ މޫދަށް އެރުނު ހިސާބުގެ ގަހެއްގައި 2 ޖާޒީއެއް އެލުވާފައި ވަނިކޮށް އިއްޔެ ވަނީ ފެނިފައެވެ.
ރާއިފް މިހެން ބުނެފައިވާއިރު، ފުލުހުންނާއި އަދި އައްޑޫ ޑެޕިއުޓީ މޭޔަރު ޔަސްރިފް އާއި ހަވާލާދީ ބައެއް މީޑިޔާތަކުގައި ވަނީ ފެނުނީ ގެއްލުނު ދެކުދިންގެ ތެރެއިން ކުއްޖެއްގެ ޖާޒީ ކަމަށް ރިޕޯޓްކޮށްފައެވެ.
ހިތަދޫ ރީޖަނަލް ހޮސްޕިޓަލާއި ދިމާލަށް މޫދަށް ގޮސް އުޅެނިކޮށް އޮޔާއި އެކު ބެހިގެން ދިޔައީ 3 ކުދިންގެ ތެރެއިން ރާއިފް ސަލާމަތް ކުރީ އާއްމު މީހެކެވެ.
ރާއިފް އާއި އެކު މޫދަށް އެރި އުޅުނު މަޔާމީން އާއި އަލީ ފަހުމީ ހޯދުމުގެ މަސައްކަތް ގައުމީ ދިފާއީ ބާރުގެ ކޯސްޓު ގާޑާއި ހިތަދޫ ޑައިވަރުންގެ ޓީމުތަކުން ހުއްޓުމެއް ނެތި އަންނަނީ ކުރަމުންނެވެ. އެހެން ނަމަވެސް މިހާތަނަށް އެ ކުދިން ފެނިފައެއް ނުވެއެވެ.