Last Updated: April 4, 17:40
Friday, April 4, 2025
މުނިފޫހިފިލުވުން

ރަންބީރްގެ "ސަންޖޫ" ގެ ޓީޒާ ދައްކާލައިފި

ބޮލީވުޑްގެ އެކްޓަރު ސަންޖޭ ދަތުގެ ރޯލް، ޒުވާން އެކްޓަރު ރަންބީރް ކަޕޫރް ކުޅެފައިވާ ފިލްމްގެ ފުރަތަމަ ޓީޒާ މިއަދު ދައްކާލައިފި އެވެ.

އަންނަ ޖޫން މަހުގެ 29 ގައި ރިލީޒް ކުރާ ފިލްމަށް ދީފައިވާ ނަމަކީ "ސަންޖޫ" އެވެ. މި ފިލްމް ލިޔެ، ޑައިރެކްޓްކޮށްފައި ވަނީ ރާޖްކުމާރް ހިރާނީ އެވެ.

މިއަދު ދައްކާލި "ސަންޖޫ" ގެ ޓީޒާގައި ސަންޖޭގެ ހަޔާތުގެ އެކި ދުވަސްވަރު އޭނާ ހުންނަ ވަނީ ދައްކާލައިފަ އެވެ. އަދި ފިލްމްގެ ބައެެއް މަންޒަރުތަކުގެ ތެރެއަށް ވެސް ބެލުންތެރިން ގެންގޮސް ދީފައިވެ އެވެ.

"ސަންޖޫ" ގެ ކާސްޓުންގެ ތެރޭގައި ޕަރޭޝް ރާވަލް، މަނީޝާ ކޮއިރަލާ، ސޯނަމް ކަޕޫރް، އަނުޝްކާ ޝަރްމާ، ވިކީ ކޯޝަލް، ޖިމް ސަރްބް އަދި ކަރިޝްމާ ތަންނާ އާއި ދިއާ މިރްޒާ ހިމެނެ އެވެ.