ރާއްޖޭގެ ހުރިހާ ހިސާބަކަށް ވައިޓް އެލާޓް ނެރެފި

މޫސުމާއި ބެހޭ ގައުމީ އިދާރާ އިން ރާއްޖޭގެ ހުރިހާ ހިސާބަކަށް ވައިޓް އެލާޓް ނެރެފިއެވެ.

މޫސުމާއި ބެހޭ ގައުމީ އިދާރާ އިން ވައިޓް އެލާޓް ނެރެފައި ވަނީ މިއަދުގެ 11:15 އިން ފެށިގެން ހަވީރު 17:00 އަށެވެ.

މެޓް އޮފީހުން ބުނެފައިވާ ގޮތުގައި ވައިޓް އެލާޓް ނެރެފައިވާ ވަގުތުގައި ގުގުރުމާއި އެކު ބޯކޮށް ވާރޭ ވެހުމުގެ އިތުރުން 40 މޭލަށް ވައި ގަދަވާނެ ކަމަށް ލަފާކުރެވޭ ކަމަށެވެ.

މުޅި ރާއްޖެއަށް ވައިޓް އެލާޓް ނެރެފައިވާއިރު، މެޓް އޮފީހުން މިއަދު ވަނީ ދ. ތ . އަދި ލ. އަތޮޅަށް ޔެލޯ އެލާޓް ވެސް ނެރެފައެވެ. އެ އަތޮޅުތަކަށް ޔެލޯ އެލާޓް ނެރުނީ، މިއަދު ހެނދުނު 9:00 އިން މެންދުރު 12:00 އާއި ހަމައަށެވެ.