ދޮގު ހެކިބަހާއި މެދު ޤިޔާމަތް ދުވަހުން ސުވާލު ކުރެވޭނެ ކަމަށާއި އެދުވަހުން ފިލަންދާނެ ތަނެއް އަދި ވަންނާނެ ގެއެއް ވެސް ނުހުންނާނެ ކަމަށް ދީނީ ޢިލްމުވެރިޔާ ޝެއިޚް އަލީ ޒައިދު ވިދާޅުވެއްޖެއެވެ.
ޝެއިޚް ޒައިދް މިއަދު ކުރެއްވި ޓްވީޓެއްގައި ވިދާޅުވެފައި ވަނީ ހެކި ބަސް ހެކި ބަސް ދެންޏާ ދޭން ޖެހޭނީ ހަގީގަތާއި އެއްކޮށް ކަމަށެވެ. އަދި އެގޮތަށް އަމަލުކުރުމުން ސުވަރުގެ ޙާސިލްކުރެވޭނެ ކަމަށް ވަނީ ވިދާޅުވެފައެވެ.
"ދޮގު ހެކިބަހަކީ ޤިޔާމަތް ދުވަހުން ސުވާލުވެވޭނެ ކަމެއްކަން ކަށަވަރު، އޭރުން ފިލަން ދާނެ ތަނެއް، ވަންނާނެ ގެއެއް، ހިމާޔަތް ކުރާނެ ފަރާތެއް ނުހުންނަ ހުއްޓެވެ"
ދޮގު ހެކިބަސް ދިނުމުގެ ނުރައްކާތެރިކަމާއި ބެހޭގޮތުން ޝެއިޚް ޒައިދް ވާހަކަ ދައްކަވާފައިވާއިރު، ސޯޝަލް މީޑިޔާގައި ބައެއް ފަނޑިޔާރުންނާއި ފުލުހުންގެ އިސްވެރިންތަކެއްގެ ބަޔާންތަކެއް ދަނީ ދައުރު ވަމުންނެވެ.