ފުވައްމުލަކުގައި ރޭ ޕީޕީއެމުން ބޭއްވި ޖަލްސާ ކުރިއަށް ގެންދިޔަ ގަޑީގައި ވާރޭ ވެހުމުން، ޕޯޑިއަމަށް އަރާވަޑައިގަތުމަށް ފަހު ގަމީސް ބާލުއްވަން ގަސްތުކުރެއްވި ކަމަށް ރައްޔިތުންގެ މަޖިލީހުގެ ރައީސް އަބްދﷲ މަސީޙް ވިދާޅެއްޖެއެވެ.
މަސީހު މިހެން ވިދާޅުވީ، އެކަލަސް މިކަލަސް ދެނަސް ރައީސް ޔާމީންގެ ނަމުގައި ބޭއްވި ޖަލްސާގައި ފުވައްމުލަކުގައި ބޭއްވި ޖަލްސާގައި ވާހަކަ ދައްކަވަމުންނެވެ.
ރޭގެ ޖަލްސާގައި މަސީހު ވަނީ ވަރަށް ޖޯޝާއި އެކު ވާހަކަ ދައްކަވާފައެވެ. އެގޮތުން ވާހަކަ ދެއްކެވުމަށް ޕޯޑިއަމާއި ހަމައަށް މަސީހު ދިޔައީ ދުވެފައި ކަހަލަ ގޮތަކަށެވެ. އަދި ވާހަކަ ނިންމަވާލެއްވުމަށް ފަހު، "މާގިނަ އިރު ޕޯޑިއަމްކައިރީގައި ހުރެއްޖެ ނަމަ ނަށްޓަވަން ޖެހިދާނެ ކަމަށް" މަސީހު ވަނީ ވިދާޅުވެފައެވެ.
"ޝައްކެތް ނެތް ގޮތުގައި ކެރުމަކީ ވެސް މީ ފާޑެއްގެ އެއްޗެއް. އަޅުގަނޑު ހިތަށް އެރީ މިރޭ ވާރޭ ވެހުނީމާ އަޅުަނޑު މި ޕޯޑިއަމްއަށް އަރާ ގަމީސް ބާލާނިއްޔޭ." ރައީސް ޔާމީންގެ އަނބިކަނބަލުން ފާތިމަތް އިބްރާހިމް ބައިވެރިވެ ވަޑައިގެންނެވި ޖަލްސާގައި މަސީހު ވިދާޅުވިއެވެ.
މީގެ އިތުރުން 1 ފެބްރުއަރީގައި ސުޕްރީމް ކޯޓުން އަމުރު ނެރުން މަސީހު ސިފަކުރެއްވީ، "ޑިމޮކްރަސީގެ ދަނޑުގައި" ކުޅުނު ވަރުގަދަ މެޗެއްގެ ގޮތުގައެވެ.