ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހިމްގެ ސޮދަޤާތް ފައުންޑޭޝަނުން މިއަހަރު ވެސް ކަދުރު ބަހަން ފަށައިފިއެވެ.
މެޑަމް ފާތުންގެ ޞަދަޤާތު ފައުންޑޭޝަނުން މާލޭގައި ކަދުރު ބެހުމުގެ ހަރަކާތް ފަށާފައި ވަނީ މިއަދުއެވެ. އެގޮތުން އެ ފައުންޑޭޝާނުން މިއަދު ކަދުރު ބެހުމުގެ ހަރަކާތް ކުރިއަށް ގެންދިޔައީ މާލޭގައި އެކަންޏެވެ.
އެހެން ނަމަވެސް ކުރިއަށް އޮތް ދުވަސްތަކުގައި ހުޅުމާލޭގެ އިތުރުން އަތޮޅުތަކުގެ ރަށްތަކުގައި ވެސް ކަދުރު ބެހުމުގެ ހަރަކާތް ކުރައަށް ގެންދާ ގޮތަށް ހަމަޖެހިފައިވާ ކަމަށް ސޮދަޤާތު ފައުންޑޭޝަނުން ބުނެއެވެ.
ސޮދަޤާތް ފައުންޑޭޝަނުން މިދިޔަ އަހަރުވެސް ކަދުރު ބަހާފައިވެއެވެ. އެފަހަރު މެޑަމް ފާތުންގެ ފައުންޑޭޝަނަށް ސައުދި އަރަބިއްޔާއިން ރާއްޖެ ހަދިޔާކުރި 500 ޓަނުގެ ކަދުރުގެ ތެރެއިން ބައެއް ގެންދިޔަ މައްސަލަ ވަރަށް ހޫނުވިއެވެ.
އެހެން ނަމަވެސް އެ މައްސަލަ އެންޓި ކޮރަޕްޝަން ކޮމިޝަނުން ބެލުމަށް ފަހު ނިންމާފައި ވަނީ ސޮދަޤާތް ފައުންޑޭޝަނުން ކަދުރު ބެހުމުގައި ކޮރަޕްޝަނުގެ އަމަލެއް ނެތް ކަމަށެވެ.