ހުއްދަ ނެތި ގެއަކަށް ވަން މީހަކު 2 މަހަށް ޖަލަށް ލުމަށް ކްރިމިނަލް ކޯޓުން ހުކުމްކޮށްފިއެވެ.
މާލޭގެ ގެއަކަށް އެގޭގެ ވެރިފަރާތުގެ ހުއްދަނެތި ވަދެގެން 2 މަސް ދުވަހަށް ޖަލަށް ލުމަށް ހުކުމް އިއްވާފައިވަނީ، ޅ.ނައިފަރު/އަޅިވިލާގޭ ހަސަން ފަލާހުގެ މައްޗަށެވެ.
ފަލާހުގެ މައްޗަށް ދައުލަތުން އުފުލި ދައުވާއަށް އޭނާ ވަނީ ޝަރީޢަތުގެ މަޖިލީހުގައި އިއުތިރާފްވެފައެވެ. ދައުލަތުން އުފުލި ދައުވާގައި ބުނާގޮތުން ފަލާހު މާލޭގެ ގެއަކަށް ހުއްދަ ނެތި ވަދެފައިވަނީ، 2015 ވަނަ އަހަރުގެ މެއި މަހުގެ ތެރޭގައެވެ.
ފަލާހުގެ މައްޗަށް ދައުވާ އުފުލީ ކުރީގެ ގާނޫނުލް އުގޫބާތުގެ ދަށުން ކަމަށް ވިޔަސް އޭނާގެ އަށް ވަނީ މިހާރު އަމަލުކުރަމުންދާ އާ ގާނޫނުލް އުގޫބާތުގެ ދަށުން އަދަބު ލުއިކޮށްދީފައެވެ.