އއ. ތޮއްޑޫގެ އުތުރުން ގާތްގަނޑަކަށް 3 މޭލު ބޭރުން ދަތުރުކުރަމުން ދިޔަ މުދާ އުފުލާ ދޯންޏެއް ބަންޑުން ޖަހާލައިފިއެވެ.
އެމްއެންޑީއެފް އިން މައުލޫމާތު ދޭ ގޮތުގައި މި ހާދިސާ ހިނގިއިރު ދޯނިން ދަތުރުކުރި 5 މީހުން ވެސް ވަނީ، ކަނޑުމަތިން ނަގާފައެވެ. އެމީހުން ސަލާމަތްކުރީ، ދޯނި ބަންޑުން ޖަހާލި ޚަބަރު ލިބިގެން އެ ސަރަހައްދަށް ދިޔަ ސީއެމްބިއުލާންސެކެވެ.
ބަންޑުން ޖަހާލާފައި ވަނީ "މަސް ނަނު" ނަމަކަށް ކިޔާ ދޯންނެކެވެ. އެ ދޯނި ބަންޑުން ޖަހާލުމުގެ ސަބަބުން ގިނަ އަދަދެއްގެ މުދާތައް އޮޔާދާތީ އެސަރަހައްދުން ދަތުރުކުރައްވާ ދަތުރުވެރިން ސަމާލުވުމަށް އެމްއެންޑީއެފުން އެދެއެވެ.
ބަންޑުން ޖަހާލި "މަސްނަނު" ދޯނި ދަތުރުކުރަމުން ދިޔައީ މާލެއިން ފުރައިގެން ބ.ސޮނެވާފުއްޓަށެވެ.