އައްޑޫ ސިޓީ މަރަދޫ ބަނދަރު ބޮޑުކުރުމުގެ މަޝްރޫޢެއް ކުރިއަށް ގެންދިއުމަށް ނިންމައި އެ މަސައްކަތް ކޮންޓްރެކްޓަރާއި ހަވާލުކޮށްފިއެވެ.
މަރަދޫ ބަނދަރު ބޮޑުކުރުމުގެ މަޝްރޫޢުގެ ހަވާލުކޮށްފައި ވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާ އެވެ.
ހައުސިން މިނިސްޓްރީގައި މިއަދު ބޭއްވި ރަސްމިއްޔާތެއްގައި މި އެއްބަސްވުމުގައި އެ މިނިސްޓްރީގެ ފަރާތުން ސޮއިކުރެއްވީ، ހައުސިން މިނިސްޓަރ ޑރ. މުހައްމަދު މުއިއްޒެވެ. އަދި އެމްޓީސީސީގެ ފަރާތުން ސޮއިކުރެއްވީ، އެކުންފުނީގެ ސީއީއޯ އިބްރާހިމް ޒިއަތެވެ.
Agreements signed today with MTCC for harbour expansion of Addu City Maradhoo and breakwater construction at harbour of AA.Rasdhoo. pic.twitter.com/XYlll66HBO
— Dr.Mohamed Muizzu (@MMuizzu) May 15, 2018
މަރަދޫ ބަނދަރަކީ އައްޑޫގެ ބަނދަރުތަކުގެ ތެރެއިން މަސްވެރި އުޅަނދުފަހަރު އެންމެ ބޮޑަށް ބޭނުން ކުރާ ބަނދަރެވެ. އެ ބަނދަރު ބޮޑުކުރުމުގެ މަޝްރޫޢެއް ކުރިއަށް ގެންދާނެ ކަމަށް ރައީސް އަބްދުﷲ ޔާމީންގެ ސަރުކާރުން ބުނަމުން ގެންދަނީ 2014 ވަނަ އަހަރުން ފެށިގެންނެވެ.