އަންނަ ހޮނިހިރު ދުވަހުގެ ރޭ އައްޑޫ ސިޓީގައި އެމްޑީޕީގެ ގައުމީ ފެންވަރުގެ ޖަލްސާ ބޭއްވުމަށް އެ ޕާޓީ ގައުމީ ހިންގާ ކޮމިޓީން ފާސްކޮށްފި އެވެ.
އެމްޑީޕީގެ ރިޔާސީ ކެންޑިޑޭޓް ރައީސް މުހަންމަދު ނަޝީދާއި އެމްޑީޕީ އާއި އަލަށް ގުޅިވަޑައިގެންނެވި ރައްޔިތުންގެ މަޖިލީހުގެ ރައީސް އޮނަރަބްލް ޢަބްދުﷲ ޝާހިދު ބައިވެރިވެވަޑައިގަންނަ ވާނެ މި ޖަލްސާގައި ވެސް އެމްޑީޕީގެ ގައުމީ މަޖިލީހުގެ މެމްބަރުން ކަމުގައިވާ އެމްޑީޕީ ސަރުކާރުގެ ވަޒީރުންނާއި، ރައްޔިތުންގެ މަޖިލީހުގެ މެމްބަރުންނާއި، ދާއިރާތަކުގެ ރައީސުންނާއި، ކޮމިޓީތަކުގެ މެމްބަރުންނާއި އަންހެނުންގެ ރޫހު އަދި ޒުވާނުންގެ ހިތްވަރުގެ މެމްބަރުން ބައިވެރިވެ ވަޑައިގަންނަވާނެ އެވެ.
އެ ދެ ބޭފުޅުން ބައިވެރިވެ ވަޑައިގަންނަވާ ޖަލްސާ އެންމެ ފުރަތަމަ އޮންނާނީ ހުކުރު ދުވަހުގެ ރޭ ފުވައްމުލަކުގަ އެވެ.
އެމްޑީޕީ ގެ ރިޔާސީ ކެންޑިޑޭޓް މުހަންމަދު ނަޝީދު ކުރިއަށް އޮތް ހަތަރު ހަފްތާގައި ބައިވެރިވެވަޑައިގަންނަވާނެ ކެމްޕެއިން ހަރަކާތްތައް ތާވަލް ކުރައްވައި އެބައިތައް "ކެމްޕެއިން ގްރިޑް" ގައި ހިމެނުއްވުމަށް އެމްޑީޕީގެ ޗެއަޕާސަން މޫސާ މަނިކު ރިޔާސަތު ބެލެހެއްޓެވި ޖަލްސާގައި އެމްޑިޕީގެ ގައުމީ ހިންގާ ކޮމިޓީގެ މެމްބަރުން ނިންމެވި އެވެ.