ކުރީގެ ރައީސް މުހައްމަދު ނަޝީދު ބައިވެރިކޮށްގެން އެމްޑީޕީގެ ރިޔާސީ ޕްރައިމަރީ ބާއްވައިފި ނަމަ އެމްޑީޕީ އުވާލަން ހުށަހަޅާނެ ކަމުގެ އިންޒާރު އިލެކްޝަންސް ކޮމިޝަން (އީސީ)ން ދީފި އެވެ.
އިލެކްޝަންސް ކޮމިޝަނުން އެމްޑީޕީ އަށް ފޮނުވި ސިޓީއެއްގައި ބުނެފައިވާ ގޮތުގައި ކުރީގެ ރައީސް މުހައްމަދު ނަޝީދު ބައިވެރިކޮށްގެން އެމްޑީޕީގެ ރިޔާސީ ޕްރައިމަރީ ބާއްވައިފި ނަމަ އެޕާޓީ އުވާލަން ހައިކޯޓަށް ހުށަހަޅާނެ ކަމަށެވެ.
އިލެކްޝަން ކަމިޝަންގެ ރައީސް އަހުމަދު ޝަރީފް ސޮއި ކުރައްވައި މިއަދު އެމްޑީޕީއަށް ފޮނުވި ސިޓީގައި ބުނެފައިވަނީ މުހައްމަދު ނަޝީދަކީ ޓެރަރިޒަމް ކުށް ސާބިތުވެ ޖަލަށް ހުކުމް ކުރައްވާފައިވާ ބޭފުޅެއް ކަމަށެވެ. އެހެންވެ ގާނޫނީ ހަމަތަކުގެ މަތިން ނަޝީދަށް ޝަރުޠު ފުރިހަމަ ނުވާކަމަށް ސިޓީގައި ބުނެފައިވެއެވެ.
އީސީން ބުނީ ޝަރުޠު ފުރިހަމަ ނުވާ މީހަކަށް ޕްރައިމަރީން ފުރުސަތު ދިނުމަކީ ގާނޫނާއި ހިލާފުކަމެއް ކަމަށާއި، އެފަދައިން އަމަލް ކޮށްފިނަމަ ސިޔާސީ ޕާޓީތަކުގެ ގާނޫނުގެ 31 ވަނަ މާއްދާ އާއި 49 ވަނަ މާއްދާގެ ދަށުން އެމްޑީޕީއާ މެދު ފިޔަވަޅު އަޅާނެ ކަމަށެވެ.
ތަފްސީލް އަންނަނީ…