އަންނަ މަހުގެ 15 ގައި ރިލީޒް ކުރާ ފިލްމް "ރޭސް 3" ގެ ލަވަ" "ސެލްފިޝް" މިއަދު ބެލުންތެރިންނަށް ދޫކޮށްލައިފި އެވެ.
މި ލަވައަކީ ސަލްމާން ހާން ލިޔެފައިވާ ލޯބީގެ ލަވައެކެވެ. ލަވަ ކިޔާފައި ވަނީ އޭނާގެ ލޯބިވެރިއެއްގެ ގޮތުގައި އަޑު އަރާފައި އިންނަ އޫލިއާ ވަންތޫރާއި ޕާކިސްތާންގެ މަޝްހޫރު ލަވަކިޔުންތެރިތާ އަސްލަމް އެވެ.
ކަޝްމީރުގެ ހިތްގައިމު މަންޒަރުތަކެއް ފެނިގެންދާ ލަވައިން ފެނިގެން ދަނީ ސަލްމާނާއި ޖެކްލިން ފެނަންޑޭޒްގެ އިތުރުން ބޮބީ ޑިއޯލް އެވެ.
"ސެލްފިޝް" އަކީ "ރޭސް 3" ގެ ލަވަތަކުގެ ތެރެއިން ބެލުންތެރިންނަށް ދައްކައިލި ދެވަނަ ލަވަ އެވެ. ފުރަތަމަ ލަވައަކީ "ހީރިޔޭ" އެވެ.
ރެމޯ ޑި ސޫޒާ ޑައިރެކްޓްކޮށްފައިވާ "ރޭސް 3" ގެ ކާސްޓުންގެ ތެރޭގައި އަނިލް ކަޕޫރް، ޑެއިޒީ ޝާހް އަދި ސާގިބް ސަލީމް ހިމެނެ އެވެ.
މި ފިލްމަކީ "ރޭސް" ފްރެންޗައިޒްގެ ތިން ވަނަ ބައެވެ.