މިޓިސުބުޝީ ގޯދިއްޔާ ފުޓްސަލް ކަޕް 2018ގެ ގްރޫޕް ބީ ގެ ފުރަތަމަ މެޗް މަރަދޫ ޒެލޯން އިން ކާމިޔާބުކޮށްފިއެވެ.
މި މެޗް ޒެލޯން އިން ކާމިޔާބުކުރީ ހިތަދޫ މަލްޓި ޖީނިއަސް ސިޓީ އާއި ވާދަކޮށް 3-4 އިންނެވެ.
ފޯރިގަދަ ކުޅުމެއް ފެނިގެން ދިޔަ މި މެޗްގެ ފުރަތަމަ ހާފްގައި މޮޅަށް ކުޅެފައިވަނީ މަލްޓި ޖީނިއަސް ސިޓީންނެވެ. އެގޮތުން ފުރަތަމަ ހާފް ނިންމާލީ 2-1 ގެ ލީޑަކުން ކުރީގައި އޮވެގެންނެވެ.
އެހެން ނަމަވެސް ދެވަނަ ހާފް ފަށައިގެން ޒެލޯން އިން ވަނީ މެޗްގެ ކޮންޓްރޯލް އަތުލައި 3 ލަނޑު ކާމިޔާބުކޮށް އެޓީމު ކޮޅަށް މެޗްގެ ނަތީޖާ އަނބުރާލާފައެވެ.
ރޭގެ މެޗްގައި ޒެލޯންގެ އަހްމަދް އަޒްމީލް 2 ލަނޑު ޖެހިއިރު ދެން އެޓީމުގެ ލަނޑުތައް ކާމިޔާބުކޮށްދިނީ، އަބްދުﷲ ވާޒިއު އާއި ހަސަން އަތޫފެވެ. މަލްޓި ޖީނިއަސް ސިޓީގެ ލަނޑުތައް ކާމިޔާބުކޮށްދިނީ، މުހައްމަދު ރަފާޙް އަބްދުﷲ، މުހައްމަދު މަމްނޫން އަދި ހުސައިން ފަސާހެވެ.