އިންޑިއާގެ ކެރެލާގެ ބައެއް ސަރަޙައްދުތަކުން ފެންނަމުންދާ ނިޕާ ވައިރަހުގެ ނުރައްކާ ރާއްޖޭގައި ފެތުރުމުގެ ފުރުސަތު ކުޑަކަމަށް ޑަބްލިއުއެޗްއޯ އިން ބުނެފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ކުރިން ބުނެފައިވާ ގޮތުގައި ނިޕާ ވައިރަސް ފަތުރާ ވާ ރާއްޖޭގައި އުޅޭތީ ބަލި ރާއްޖެއަށް އައުމުގެ ފުރުސަތު އެބަ އޮތެވެ.
ނަމަވެސް ޑަބްލިއުއެޗްއޯގެ ރިސްކް އެސެސްމެންޓުން ދައްކާ ގޮތުގައި އިންޑިއާގެ އެހެން ހިސާބުތަކަށާއި މި ސަރަޙައްދުގެ އެހެން ޤައުމުތަކަށް ވެސް އެ ބަލި ފެތުރުމުގެ ފުރުސަތު ކުޑަ އެވެ.
ކެރެލާ ސްޓޭޓްގައި ހަލުވިކަމާ އެކު ފެތުރެމުންދާ ނިޕާ ވައިރަސް އަށް މިހާތަނަށް ފަރުވާއެއް ހޯދިފައި ނުވާ އިރު މިބަލި ރާއްޖެގައި ފެތުރުނަ ނުދިނުމަށްޓަކައި އަޅަންޖެހޭ ފިޔަވަޅުތައް އަޅާފައިވާކަމަށް އެޗްޕީއޭ އިން ބުންޏެވެ.
މި ބަލި ޖެހެނީ ޓެރޯޕަސް އާއިލާގެ ވާ ނުވަތަ ފްރުޓް ބެޓްސްގެ ޒަރީއާއިންނާއި އޫރުގެ ޒަރިއްޔާއިންނެވެ.