މިދުވަސްކޮޅު ރޯގާ އާއި ހުން ޖެހިގެން ޑޮކްޓަރަށް ދައްކާ މީހުންގެ އަދަދު އިތުރުވެފައިވާކަމަށް ހިތަދޫ ރީޖަނަލް ހޮސްޕިޓަލުން ބުނެފިއެވެ.
ހިތަދޫ ރީޖަނަލް ހޮސްޕިޓަލް ހިންގެވުމާއި ހަވާލުވެ ހުންނެވި ސީނިއާ ކޮމިއުނިޓީ ހެލްތު އޮފިސަރ މުހައްމަދު ނަޖީބް ވިދާޅުވީ މި ދުވަކޮޅު ހުން އައިސްގެންނާއި ރޯގާ ޖެހިގެން ޑޮކްޓަރަށް ދައްކާ މީހުންގެ އަދަދު އިތުރުވެފައިވާ ކަމަށެވެ.
ނަޖީބު ވިދާޅުވީ އަދި މިހާތަނަށް ރާއްޖޭގައި ހަލުވިކަމާއި އެކު ފެތުރެމުން އަންނަ އިންފުލުއެންޒާގެ ބަލީގެ އަލާމާތް ހުރި މީހަކު ދައްކާފައި ނުވާކަމަށާއި، ހުން ޖެހިގެން މީހަކު ސީރިއަސްވެ ކަމެއް ވެފައި ނުވާކަމަށެވެ.
އައްޑޫގައި އަރިދަފުސް ރޯގާ އާއި ހުން ފެތުރެމުން އަންނަ އިރު މާލޭގައި މިހާތަނަށް ބަލިވެގެން ޑޮކްޓަރަށް ދެއްކި މީހުންގެ ތެރެއިން އެޑްމިޓް ކުރި މީހުންގެ 69 ޕަސެންޓް އިންފުލުއެންޒާއަށް ޕޮޒިޓިވް ވެފައިވާކަމަށް ހެލްތު ޕްރޮޓެކްޝަން އެޖެންސީން ވަނީ ބުނެފައެވެ. މި ބަލީގައި ދާދި ފަހުން އުމުރުން ދުވަސްވީ މީހަކުވަނީ އޭޑީކޭގައި ނިޔާވެފައެވެ.