މިޓިސުބުޝީ ގޯދިއްޔާ ފުޓްސަލް ކަޕް 2018ގެ ރޭގެ ދެވަނަ މެޗްގައި 3 ސްޓޯން އާއި ޕަޓާސް ބައްދަލުކުރި މެޗް 3 ސްޓޯން އިން ކާމިޔާބުކޮށްފިއެވެ.
މަރަދޫ ވެންބޮޅޮފިށި ސްޓޭޑިއަމްގައި ކުޅުނު މި މެޗް 3 ސްޓޯން އިން ކާމިޔާބު ކުރީ 3-4 އިންނެވެ.
ދެޓީމުގެ ފަރާތުން ވެސް ހަމަހަމަ ކުޅުމެއް ފެނިގެން ދިޔަ މިމެޗްގައި 3 ސްޓޯނުގެ ލަނޑުތައް ކާމިޔާބުކޮށްދިނީ ހުސައިން ލިރާރު އާއި މުހައްމަދް މަހްޒޫމެވެ. މިއިން ކޮންމެ ކުޅުންތެރިޔަކު ވެސް ވަނީ 2 ލަނޑު ކާމިޔާބުކޮށްފައެވެ.
ޕަޓާސް އަށް ލަނޑުތައް ކާމިޔާބުކޮށްދިނީ، އަހްމަދް ސައީދް، އިބްރާހިމް މުހައްމަދު އަދި ހަސަން ހަނީފެވެ.
ރޭގެ މެޗްގެ މޮޅު ކުޅުންތެރިޔަކަށް ހޮވުނީ 3 ސްޓޯންގެ މުހައްމަދު މަހްޒޫމެވެ.