މިޓްސުބުޝީ ގޯދިއްޔާ ފުޓްސަލް ކަޕް 2018ގައި އެފްސީ ބޭރުމަތިން ކުޅުނު ދެވަނަ މެޗް ވެސް ފަސޭހަކަމާއި އެކު ކާމިޔާބުކޮށްފިއެވެ.
ފާއިތުވި އަހަރުގެ ގޯދިއްޔާ މުބާރާތުގެ ޗެމްޕިއަން އެފްސީ ބޭރުމަތިން ރޭގެ މެޗް ކާމިޔާބު ކުރީ އެސްއެމްޓީ އާއި ވާދަކޮށް 2-6 އިންނެވެ.
މަރަދޫ ވެންބޮޅޮފިށި ސްޓޭޑިއަމްގައި ކުޅުނު މި މެޗްގައި އެފްސީ ބޭރުމަތި ޓީމުން މޮޅު ކުޅުމެއް ދެއްކި އިރު އެޓީމުގެ 6 ލަނޑުގެ ތެރެއިން ހަތަރު ލަނޑު ކާމިޔާބުކޮށްދިނީ އަލީ ހާފިޒެވެ. ރޭގެ މެޗްގެ މޮޅު ކުޅުންތެރިއަކަށް ވެސް ހޮވުނީ އޭނާއެވެ.
ބޭރުމަތި ޓީމަށް ދެން ލަނޑުތައް ކާމިޔާބުކޮށްދިނީ ހަސަން މިފްރާހް އާއި އިބްރާހިމް ސިނާހެވެ. އެސްއެމްޓީގެ ލަނޑުތައް ކާމިޔާބުކޮށްދިނީ މުހައްމަދު ފަޒީލާއި އަހްމަދް ވާފިރެވެ.