މޯލްޑިވްސް ލޯ އިންސްޓިޓިއުޓުން ސ. ހުުޅުމީދޫގައި ގާއިމުކޮށްފައިވާ ލޯ ފެކަލްޓީން އަންނަ މަހުގެ ތެރޭގައި ފުރަތަަމަ ފަށާ ދެ ކޯހަށް އެޕްލައި ކުރުމުގެ ފުރުސަތު ހުޅުވާލައިފި އެވެ.
ލޯ އިންސްޓިޓިއުޓާއި ވިލާ ކޮލެޖް ޕާޓްނާޝިޕެއްގެ ދަށުން ހިންގާ ލޯ ފެކަލްޓީން މިހާރު ހުޅުވާލާފައި ވަނީ ފައުންޑޭޝަން އިން ލޯ އާއި ސެޓްފިކެޓް 3 އިން ކްރިމިނަލް އިންވެސްޓިގޭޝަން އެވެ.
ކޮންމެ ކޯހަކުން 35 ފަރާތަކަށް ޖާގަ ދިނުމަށް ހަމަޖެހިފައިވާ މި ކޯސްތަކުގައި ބައިވެރިވާން އެދޭ ފަރާތްތަކަށް އަންނަ މަހުގެ 5 ވަނަ ދުވަހާ ހަމައަށް އެޕްލިކޭޝަން ފޯމް ދޫކުރަން ވަނީ ހަމަޖެހިފަ އެވެ. ކޯސްތައް ފެށުމަށް ހަމަޖެހިފައި ވަނީ މެއި 21 ގަ އެވެ.
އަދި މިކަމާ ބެހޭ އިތުރު މައުލޫމާތު ބޭނުންވާ ފަރާތްތަކުން އައިޝަތު ޝިބާނާ (7435721) އާއި އަބްދުﷲ ސޯލިހް (7773854) އަށް ގުޅުމުން ލިބޭނެ ކަމަށް ލޯ އިންސްޓިޓިއުޓުން ބުންޏެވެ.
އެ އިންސްޓިޓިއުޓުން ބުނީ ފައުންޑޭޝަން އިން ލޯ އަށް އެޕްލައި ކުރެވޭނީ ޖީސީއޯ ލެވެލްގައި ތިން މާއްދާ އިން ސީ ނުވަތަ އެއަށް ވުރެ މަތިން ފާސްވެފައިވާ އަދި މި ދާއިރާ އިން ސެޓްފިކެޓް 3 އާ ފެންވަރުގެ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގެ ސަނަދެއް ލިބިފައިވާ ފަރާތްތަކަށް ކަމަށެވެ.
އަދި ސެޓްފިކެޓް 3 އިން ކްރިމިނަލް އިންވެސްޓިގޭޝަން އަށް އެޕްލައި ކުރެވޭނީ ގްރޭޑް 10 އަށް ނިންމާފައިވާ އަދި މި ދާއިރާ އިން ސެޓްފިކެޓް 2 އާ ފެންވަރުގެ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) ގެ ސަނަދެއް ލިބިފައިވާ ފަރާތްތަކަށް ކަމަށެވެ.
ކޯސްތައް ކުރިއަށް ދާނީ ހުޅުމީދޫގައި ހުންނަ އެސްޓީއޯ އިމާރާތުގެ މަތީ ދެ ފަންގިފިލާގަ އެވެ.