* ބޭނުން ތަކެތި:
6 ފޮތި ޕާން
1 ފިޔާ (ކުދިކޮށް ކޮށާފައި)
1/2 ރޯމިރުސް (ކޮށާފައި)
1/4 ޖޯޑު މެޔޮނައިޒް
1 ޖޯޑު ކުކުޅު މަސް
ރަހަލާ ވަރަށް ލޮނުކޮޅެއް
އަސޭމިރުސްކޮޅެއް
2 މޭޒުމަތީ ސަމްސާ ލުނބޯ ހުތް
1/2 ޖޯޑު ކެބެޖް (ކުދިކޮށް ކޮށާފައި)
1/2 ބައިޖޯޑު ކެރެޓް (ކުދިކޮށް ކޮށާފައި)
3ތިން ފޮތި ޗީޒް ސްލައިސް
3 ފޮތި ޓޮމާޓޯ
ކުޑަ ތެޔޮފޮދެއް
* ތައްޔާރު ކުރާނެ ގޮތް:
ކުކުޅު މަހުގައި ލޮނާއި އަސޭމިރުސް އަދި ލިނބޯ ހުތް ހާކައިލާށެވެ. ދެން ތަވައަކަށް ތެޔޮ އަޅައި ކުކުޅު މަސްކޮޅު ރޯފިލުވާށެވެ. ފިޔާ، މިރުސް، ކުކުޅުމަސް، ކެބެޖް އަދި ކެެރެޓް ރަހަ ނިކުންނަ ވަރަށް ރަނގަޅަށް މޮޑެލާށެވެ.
އެއަށް ފަހު މެޔޮނައިޒް އަޅާ ރީތިކޮށް އެއްކޮށްލާށެވެ. ދެން ތިން ފޮތި ޕާންގެ މައްޗަށް މަސްގަނޑު އަޅައި އޭގެ މަތީގައި ޗީޒް ސްލައިސް އާއި ޓޮމާޓޯ ފޮތި ބާއްވައިލާށެވެ.
އަނެއް ތިން ފޮތި ޕާން މަސްގަނޑު އަޅާފައިވާ ޕާން ފޮތީގެ މަތީގައި ބޭއްވުމަށްފަހު ޗީޒް ރަނގަޅަށް ވިރެންދެން ޕަނީނޯ މޭކަރުން ޓޯސްޓްކޮށްލާށެވެ.