މި މަހުގެ 29 ގައި ރިލީޒް ކުރާ ފިލްމް "ސަންޖޫ" ގެ ފުރަތަމަ ލަވަ ދައްކާލައިފި އެވެ.
މި ލަވައަކީ ސޯނޫ ނިގާމާއި ސުނީދީ ޗޯހަން ކިޔާފައިވާ "މޭ ބަޅިޔާ، ތޫ ބީ ބަޅިޔާ" އެވެ.
"ސަންޖޫ" ގައި ސަންޖޭ ދަތުގެ ރޯލް ކުޅެފައިވާ ރަންބީރު ކަޕޫރްގެ މަޖާ ހަރަކާތްތަކެއް ފެނިގެންދާ ލަވައިން ސޯނަމް ކަޕޫރް ވެސް ފެނިގެން ދެ އެވެ.
ރާޖްކުމާރް ހިރާނީ ޑައިރެކްޓްކޮށްފައިވާ "ސަންޖޫ" އަކީ ސަންޖޭގެ ހަޔާތުގެ މައްޗަށް ބިނާކޮށް ހަދާފައިވާ ފިލްމެކެވެ.
މީގެ އިތުރު ކާސްޓުންގެ ތެރޭގައި އަނުޝްކާ ޝަރްމާ، ވިކީ ކޯޝަލް، ދިއާ މިރްޒާ، ޕަރޭޝް ރާވަލް، މަނީޝާ ކޮއިރަލާ، ކަރިޝްމާ ތަންނާ އަދި ބޮމަން އިރާނީ ހިމެނެ އެވެ.