މިޓްސުބުޝީ ގޯދިއްޔާ ފުޓްސަލް ކަޕް 2018ގައި ރޭ ކުޅުނު މެޗްތައް ޑީސީ ސްޕޯޓްސް ކްލަބާއި ކްލަބް ވީއެޗުން ކާމިޔާބުކޮށްފިއެވެ.
ޑީސީ ސްޕޯޓްސް އާއި އެފްސީ ކަނޑިހެރަ ކުޅުނު މެޗް 1-3 އިން ކާމިޔާބު ކުރީ ޑީސީ ސްޕޯޓްސް އެވެ.
ޑީސީގެ ނޫރިޝް ދެ ލަނޑު ޖެހިއިރު ދެން އެ ޓީމަށް ލަނޑު ޖައިދިނީ މުހައްމަދު ޖައިލަމެވެ. އެފްސީ ކަނޑިހެރައިގެ ހަމައެކަނި ލަނޑު ޖެހީ ހަސަން އަފާލެވެ. މެޗްގެ މޮޅު ކުޅުންތެރިޔަކަށް ހޮވުނީ ޑީސީ ސްޕޯޓްސްގެ އަޔާޒެވެ.
ރޭގެ މޮޅާއި އެކު ޑީސީ ސްޕޯޓްސް އަށް ވަނީ 4 ޕޮއިންޓް ލިބިފައެވެ.
ގްރޫޕް ޑީގައި ރޭ ކްލަބް ވީއެޗު ކުޅުނު މެޗް އެޓީމުން ކާމިޔާބު ކުރީ ޕަޓާސް އާޢި ވާދަކޮށް 3-6 އިންނެވެ.
ވީއެޗްގެ ހުސައިން ޝަރީފް ރޭގެ މެޗްގައި ހަތަރު ލަނޑު ޖެހިއެވެ. ދެން އެޓީމަށް ލަނޑުތައް ކާމިޔާބުކޮށްދިނީ މުހައްމަދު އިމްރާން އާއި އިބްރާހިމް މާޒެވެ.
ޕަޓާސްގެ ލަނޑުތައް ކާމިޔާބުކޮށްދިނީ މުހައްމަދު އަނަސް، އިބްރާހިމް މުހައްމަދު އަދި އަހްމަދް ސައީދެވެ.
ރޭގެ މެޗުން މޮޅުވުމުން ވީއެޗް އަށް ވަނީ 6 ޕޮއިންޓާއި އެކު ގްރޫޕްގެ 1 ވަނަ ލިިބިފައެވެ.