* ބޭނުންވާށ ތަކެތި:
2 އާފަލު (ތޮށިމަށާ ކަރުގަނޑު ނަގާފައި)
50 ގްރާމު ހިކި މޭބިސްކަދުރު
50 ގްރާމު އާމަންޑް
1 ޖޯޑު ހަކުރު
¼ ޖޯޑު ފެން
150 ގްރާމު ހަކުރު
4 ބިސް
1 މޭޒުމަތީ ސަމުސާ ހިކިކިރު
1 ސައި ސަމުސާ ވެނީލާ އެސެންސް
150 ގްރާމު މާޖިރިން
150 ގްރާމު ފުށް
1 މޭޒުމަތީ ސަމްސާ ބޭކިން ޕައުޑަރު
* ތައްޔާރު ކުރާނެ ގޮތް:
ފުރަތަމަ އާފަލުތައް އެއް އިންޗި ބޯމިނަށް ކޮށައިލާށެވެ. ދެން ޓްރޭއަކަށް އެއް ޖޯޑު ހަކުރު އަޅައި ކުޑަ ފެންފޮދެއްގައި ކައްކައިލާށެވެ. އެއަށް ފަހު އާފަލާއި އާމަންޑް އަދި ހިކި މޭބިސްކަދުރުތައް އެއްކޮށްފައި މުށި ކުލަ އަރަންދެން ކައްކާލާފައި ބަހައްޓާށެވެ.
ދެން ހަކުރާއި މާޖިރީން އޮލަވަންދެން ގިރާލާށެވެ. ދެން ބިސް، ހިކިކިރު އަދި އެސެންސް އަޅާ އޮލަވަންދެން ގިރައިލާށެވެ. އެއަށް ފަހު ފުށް އަދި ބޭކިންގ ޕައުޑަރު އަޅައި ރަނގަޅަށް އެއްކޮށްލާށެވެ.
އާފަލުތައް ޓްރޭގައި އަތުރާލައި، އޭގެ މައްޗަށް ކޭކް މިކްސް އަޅާ އަވަނުން ފިހެލާށެވެ.